စစ်မျက်နှာရဲ့ ဟိုမှာဘက်

http://drlunswe.blogspot.com/

စစ်မျက်နှာရဲ့ ဟိုမှာဘက်

ဘာသာပြန်-မနှင်းပွင့်

(ကိုးပုဒ်)

(၁)

မြောက်ဘက်စစ်မျက်နှာကို ချီစဉ်
ရင်တခုလုံး ခါးသက်လို့ နာကျင်
အာခံရင် သေလမ်းသာ ရှိတာမို့
ကိုယ့်အိမ်နဲ့ ဝေးရာကို လွင့်ရ ...။

စိတ်ထဲကတော့ တွေးမဆုံး
ဘုန်းတော်ကြီးဘုရား ...
ဘာကြောင့်များ အားကြိုးမာန်တက်
နယ်ပယ်အရပ်ရပ်ကို ချဲ့ထွင်ချင်ရသလဲ
စံပျော်ရာ နိုင်ငံတော်ကိုက
ကျယ်လွင့်လှပြီမဟုတ်လားကွယ် ...။

အခုတော့ ငါ့မှာ ...
ချစ်သူများထံပါးက ဆွဲခေါ်ခံခဲ့ရ
ကျလုဆဲ မျက်ရည်တွေကို မျိုသိပ်၊ အံတင်းတင်းကြိတ်
လှံထိပ်ချင်းထိခတ်ချီတက်ဖို့ အတင်းစေတာခံခဲ့ရတဲ့နောက် ...
ရောက်ခဲ့ရ မြောက်ဘက်စစ်မျက်နှာဆီ ...။

(၂)

အိမ်ကနေ ဆွဲထုတ်ခံခဲ့ရတာလည်း ကြာ
ငါလည်း ကုပ်ချောင်းချောင်း စစ်သားငယ်မဟုတ်တော့ ...။
လျှောကနဲ ကုန်းနှီးပြုတ်ကျ မြင်းပေါ်က ထိုးဆင်း
ဇက်ကြိုးဆုပ်ရင်း သေမင်းနဲ့တွေ့မှာ
ဒါမှမဟုတ် ချောက်ထဲခုန်ဆင်း ရန်သူ့အလံသုတ်ရင်း
ချက်ချင်းသေဆုံး အချိန်မရွေး ဘဝရှုံးနိုင်တာလည်း နားလည်ခဲ့ ...။
ဒါပေမယ့်ကွယ် နွယ်လိုရစ်ဖွဲ့ အိမ်ရဲ့သံယောဇဉ်
ရင်မှာကျန်ရစ် အသစ်ဖြစ်တယ် ...။

(၃)

တသွင်သွင်စီးနေတဲ့ စမ်းနံဘေး ဓားထိုင်သွေး
နွေးကနဲစပ် ရှပ်ဆို လက်ထဲဟက်တက်ကွဲ
ရေတွေ အနီရောင်ရဲ အသည်းထဲက ခါးသက်
ပေါင်းစပ်လို့နာကျင် သွေးစိမ်းရှင်ရှင်ကိုထွက်လို့
အသွားထက်ထက်နဲ့ ထိုးခွဲမိတာလေ ...။

သေမထူးနေမထူး တပ်ဦးက လူတွေမဟုတ်သလိုလို့ ဆိုကြမယ်
ရယ်စရာကွာ ဒီအနာလောက်ကတော့လို့ ပြောကြမယ်
တယ် ... တိုက်ပါဟ ... ချလကွာ ... ဒါမှငါ့ကောင်
အောင်ပွဲရအောင် ကြံဆောင်မှပေါ့ကွယ်
ဟယ် ... ပြောရင်းဆိုရင်း ... သေသူရုပ်ကြွင်း အရိုးရင်းတွေ
စစ်တလင်းမှာ ဖွေးဖွေးလှုပ်လို့ ဖုတ်ဖြစ်နေ ...။

(၄)

ဟဲ့ ... မောင်မင်း ... မှုထမ်းစုဆောင်းအတင်းမောင်းလို့
စစ်သည်ရှာရာ ငါခေါင်းဆောင်ကွဲ့
ဝေးလံရှေ့တန်း စစ်စခန်းကို နင်ထွက်ရမတဲ့
အံကိုခဲလို့ ကြဲရတော့တယ် ချီပြန်လေပေါ့ တခေါက်
ကြောက်ခွင့်မှမရှိ သိသိကြီးနဲ့ သေစခန်းကို လှမ်းရတယ် ...။

ကွယ် ... မျက်မှောင်တွန့်ချိုး အညှိုးနဲ့ နှိပ်စက်ဖို့လည်းမလိုတော့
မျော့မျော့ပဲကျန်ပေမယ့် သွားဆိုလည်း သွားရုံပလေ
သေချင်သေ နေရလည်း ငါ့ကံပေါ့ကွယ် ...။

နယ်တူလူများ သားချင်းအူတုံဆုံဖြစ်လျှင်တော့
ရော့ဟဲ့ ... ဆို စာလွှာလေးသာ အိမ်သားများကို ပါးခွင့်ရရင်
ဘဝင်လှိုက်ဆူ ပူမီးဒုက္ခ ဝေမျှယူခွင့်မသင့်မကြံ
သောကဘုံထဲ ပစ်ခွဲခဲ့ရ မချိလှကြောင်း သိစမ်းစေချင်တယ် ...။

(၅)

ခရီးမိုင်ထောင်ချီကို မျှော်ရီငေး အဝေးတနေရာဆီ
ချီလာသူတို့ ပေါင်းစည်းဖို့ရာ ရှေ့တန်းစစ်မျက်နှာ
လာကူဖို့ တချို့အတွက် ပိုခက်လိမ့်မယ် ...။
လွယ်ကူတာလည်း ရှိနိုင်ပါရဲ့
အစုံပေါ့ ဗိုလ်ဖြစ်တာနဲ့ အကုန်တော့ ဘယ်သိနိုင်ပါ့မလဲ ...။

အဲ ... ဒါနဲ့ တခါသား ... မြစ်တခုအနားမှာ
ရာချီတဲ့တပ်စု တောင်ပေါ်သားထုကြီးကို မထင်မှတ်ဘဲ
ဖြတ်ကနဲ တွေ့ခိုက် ... လှိုက်ခနဲဆို ရင်ထဲ
မရဲတရဲ သတိရမိတယ
ဘယ်တုန်းကမှ တိုင်းပြည်အတွက် ဆပ်မယ်သက်ပေး
မတွေးခဲ့ဖူးပါလားကွယ် ...။

(၆)

လေးတစင်း ရွေးချင်းရွေးရင်
တင်းနေမှ ကြိုက်ကြတာကလား
မြားကျပြန်တော့ ရှည်သွယ်သွယ်မှ
မြင်မြင်သမျှ ပစ်ခွင်း သေသူ့မြင်းတွေ သိမ်းဖို့ရာတဲ့ ...။

လာစမ်း ... သုံ့ပန်းဆို ခေါင်ကစဖမ်း
သေလမ်းကိုတော့ မပို့နဲ့ဦးကွဲ့
ငဲ့စရာစည်းကမ်း နည်းလမ်းအထွေထွေ
ပြေတိုင်းမှာ ရှိတယ် ... သတ်ဟယ် ဖြတ်ဟယ်နဲ့
ထင်တိုင်းရမ်းလို့ မဖြစ် ... စိစစ်ရွေးဖယ်လို့သာ ခေါ်ခဲ့ကြပေရော့
အောင်ပန်းဆွတ်ဖို့ တနေ့တော့ အသုံးဝင်လိမ့်မယ်
လွယ်လွယ်နဲ့ အသက်တချောင်း
မဖျောက်ကောင်းပေဘူး ...။

(၇)

နှင်းထုကလည်း ထူ ... မြူတွေကလည်း ဖုံး
ကြိတ်လိုက်ဦး ဖေ့သားရယ်
မြင်းလှငယ်ကို အားပေး ... အေးလွန်းလို့ ဆတ်ဆတ်တုန်
မှုန်ပြပြ စခန်းလျှိုချိုင့်ဝှမ်းနဲ့ ဒီတောင်တန်းကို ဖြတ်ဦးစို့ကွယ်
ခရီးတော့မနီးပေမယ့် နဲ့တဲ့တဲ့ တပ်စုကို လမ်းပြဦးဆောင်
တောင်ကြောကို လျှောဆင်းကြမယ် ...။

နှယ်နှယ်တော့မဟုတ် ကုတ်ကတ်တွယ်ဆင်းနေတုန်းဆို
လှုပ်တောင်မလှုပ်နဲ့ ယဲ့ယဲ့သာ ကျန်ပေမယ့်
မြဲပစေကွဲ့ ထုံကျင်လက်ချောင်းများ
ကျောက်ကမ်းပါးကို ဆုပ်သာထားပေတော့ ...။

မော့ကြည့်ရတာလည်း ဇက်တွေနာ အိမ်က ခွာခဲ့တာလည်း ကြာပြီ
ဒီတံတိုင်းကို ဝိုင်းဖို့ ... ဒီနံရံကို မံဖို့ ... ဒီစည်းကို ဆီးဖို့ ...
ပြီးခါနီးပလားကွယ် ဘယ်ခါသာမသိပေမယ့်
အိမ်ပြန်ခွင့်ရှိရင် ပြန်ချင်တယ် ...။

နေကွယ်တဲ့ ညနေတိုင်း တိမ်ရိုင်းတို့တောင်ဘက်ဆီ
ရွက်ဖွင့်သွားနှင့်ပြီဆို ခိုတွယ်လှမ်းကိုင်
မြဲမြဲထိုင်လို့ ခရီးကြုံလိုက်စမ်းချင်လှတယ် ...။

(၈)

ဝိုင်းဟေ့ ... ဝိုင်းဟ ... အားပါးတရ ကြွေးကြော်ကြရင်း
ဓားတစ်ဝင်းဝင်းနဲ့ တောင်ပေါ်သားတပ် ချီလာ
ငါတို့ခံစစ်ကို ခြေမှုန်း ပြုတ်ပြုတ်ကိုပြုန်းမတတ်
အရပ်ရှစ်မျက်နှာ ကြည့်လေရာ အဘက်ဘက်
မျက်စိတဆုံး အလိပ်လိပ်နဲ့ ဖုန်တွေ လုံးနေ ...။

လေထုတောင် ဒဏ်ရာနာကျင်မှုတွေနဲ့ သိပ်သည်းလို့
သို့ပေမယ့် ငါတို့တပ်များ အားကြီးပါဘိတယ်
လွယ်လွယ်ကူကူနဲ့ တိုက်ထုတ်
သူတို့ဗိုလ်ချုပ်များကိုတောင် ရလိုက်သေးတယ်
အဲ ... ဒီထဲက တယောက်ကိုတော့ သုံ့ပန်းအဖြစ်
လည်မှာ နှောင်ကြိုးရစ်လို့ ဖမ်းခေါ်ခဲ့တယ်
ခံတပ်က မဟာတံခါးတွေရဲ့ နောက်ကွယ်ကိုပေါ့ ...။

ဆိုတော့ ... ငတို့ဘဝ တသသနဲ့
အောင်ပွဲအကြောင်း ထပ်လောင်းလို့
ဇာတ်ပေါင်းစရာမကျန် အမှန်ပြောရရင်
တင်လာတဲ့တာဝန် ကျေပြွန်ဖို့ ကြိုးပမ်း
တခမ်းတနားလည်းမဟုတ် ရိုးကုတ်ကုတ်စစ်သည်ပါပဲ
လည်ကုတ်မှာ ဓားဝဲတော့လည်း အားတင်းလို့ ရဲရတော့တယ်
သူ့ဆန်စားခဲ့မှကိုးကွယ် ...။

(၉)

ဒီလိုနဲ့ စစ်သားဖြစ်ခဲ့တာ ဆယ်စုနှစ်တခုအကြာ
ဒါမှမဟုတ် နောက်နှစ်ပေါင်းများစွာမှာ
ငါရမယ်ထင်ရတဲ့ ဂုဏ် ... ဒါမှမဟုတ် ဘွဲ့ထူး
ဦးစွာ အတွေးထဲဝင်ဆင်ခြင်လို့ အများနဲ့စာတဲ့အခါ
ငတေမာသမားမဖြစ်အောင် တားဆီးတယ် ...။

အလယ်ပိုင်းလွင်ပြင်မှာတော့ စစ်မီးပွားဆဲ
ရှေ့တန်းမှာလည်း တောင်ပေါ်သားတွေနဲ့ တိုက်မြဲ
နွှဲနေတုန်း တပ်စုတိုင်းရဲ့တိုက်ပွဲကြား ဘယ်စဉ်းစားအားပါ့မလဲကွယ်
နေပျော်ဖွယ်ဘဝနဲ့ ရာထူးရာခံအကြောင်းတွေ
မသေဖို့တောင် အကြိတ်အနယ် ရုန်းကန်ရတဲ့ဘဝကြား
ခါးသီးမှုထဲက လွတ်လမ်း ... ဘယ်ဆီဘယ်စခန်း မျှော်မှန်းတမ်းသာတမိတယ် ...။     ။

BEYOND THE FRONTIER
TU FU (712-770)
TANG DYNASTY

ဘာသာပြန်-မနှင်းပွင့်