ဖြူဖြူပြာပြာ နီနီဝါဝါ ဝေဆာမြူးလို့နေ.. DMWY
လွန်ခဲ့တဲ့ ၅နှစ် ၆နှစ်လောက်က ထင်ပါတယ်...။ တစ်နေ့ ဂျပန်တီဗီ ချယ်နယ် တစ်ခုကြည့်နေရင်းက မထင်မှတ်ပဲနဲ့ ဂျပန်လို OKAMA NO TENKOKU မြန်မာလို မိန်းမလျာတုိ့ရဲ့ နတ်ပြည် ဆိုတဲ့ အမေးအဖြေ အစီအစဉ်လေး တစ်ခုကို ကြည့်မိလိုက်ပါတယ်...။ အာရှနိုင်ငံအသီးသီးမှာ နေထိုင်ကြတဲ့ မိန်းမလျာတွေရဲ့ ဘဝတွေကို စုံလင်အောင် သွားရောက် ရိုက်ကူးတင်ဆက်ထားတာပါ..။ အဲ့လိုကြည့်နေရင်းက မထင်မှတ်ပဲ မြန်မာဆိုတာ ပေါ်လာပြီး ဂျပန်သတင်းထောက်က မြန်မာပြည်က မိန်းမလျာတွေ အကြောင်းသွားရောက် ရိုက်ကူး ထားတာကို ဆက်လက်ပြသပါတယ်...။
အစပိုင်းမှာတော့ ဟိုတယ်တစ်ခုရဲ့ Reception Counter က မာန်နေဂျာနဲ့ စကားပြောပါတယ်..။ အသံကောရုပ်ကော လုံးဝမိန်းမပါပဲ..။ အဆိုပါအစီအစဉ်မှာ ဝင်ရောက် ဖြေဆိုသူတွေကော ကြည့်နေတဲ့ ကျွန်တော်အပါအဝင် အကုန်မှားပါတယ်..။ တကယ်တော့ အဆိုပါ မာန်နေဂျာ အမျိုးသမီးက မိန်းမလျာ တစ်ယောက် ဖြစ်နေတာပါပဲ။ နောက်ဆက်လက်ပြီးတော့ မြန်မာပြည်ရဲ့ မိန်းမလျာ မော်ဒယ်တစ်ယောက်ကို တွေ့ဆုံရိုက်ကူးပါတယ်...။ နောက်ရန်ကင်းဘက်ကိုသွား မိန်းမလျာ တစ်ယောက်အိမ်ကို ရိုက်ကူးပြီး အဆိုပါ မိန်းမလျာ အုပ်စုနဲ့ တောင်ပြုန်းပွဲတော်ကို ရန်ကုန်ကနေ ကားနဲ့ အဆိုပါ ဂျပန်သတင်းထောက်ကို ခေါ်ဆောင်သွားတာ ဆက်လက်ရိုက်ကူးပြသပါတယ်..။
ဂျပန်ပရိသတ်ကတော့ တဝါးဝါးနဲ့ပေါ့..။ ထုံးစံအတိုင်း ကြိတ်ကြိတ်တိုးနေတဲ့ တောင်ပြုန်းပွဲထဲမှာတော့ နတ်ကတော်တွေရော အနယ်နယ် အရပ်ရပ်က မိန်မလျာတွေ အစုံအလင်ပေါ့ဗျာ.. တွေ့တဲ့သူတွေနဲ့ အဆိုပါ ဂျပန်သတင်းထောက်က အင်တာဗျူး သူလည်းအကိတ် ငါလည်း အကိတ်ဆိုပြီး ပျော်ကြမြူးကြ နတ်ကနားပွဲရောက်တော့လည်း သိတဲ့ အတိုင်း နတ်ကတော်တွေကလည်း မာမီတွေပဲလေ..။ နတ်ကတော် အကြောင်းရှင်းပြတော့ မြန်မာ(၃၇)မင်းနတ်တွေရဲ့ ကတော်တွေက မိန်းမလျာတွေဆိုတော့ ဂျပန်သတင်းထောက်လည်း ပါးစပ်အဟောင်းသား.. ။ သြော်မြန်မာပြည်က (၃၇)မင်း နတ်တွေ ဘဝလေ...။
နောက်ဆုံး အဆိုပါ ဂျပန်သတင်းထောက် ပြန်ခါနီးမှာ တံတားဦး အပြည်ပြည်ဆိုင်ရာ လေဆိပ်ကို မိန်းမလျာ အဖွဲ့ ပြန်လိုက်ပို့တဲ့ အခန်းက အလွန်းဇာတ်ခန်းပေါ့..။ မျက်ရည်တစမ်းစမ်းနဲ့ သတင်းထောက်ကို နှုတ်ခမ်းနီဆိုးပေးပြီး နောက်တစ်ခေါက် ပြန်လာဖို့ ပြောရင်း ဇာတ်သိမ်းလိုက်ပါတယ်..။ အဲ့ဒီမှာတင် အဆိုပါ တီဗီရိုက်ကွင်း ထုတ်လွှင့်ချက်ကို လာကြည့်တဲ့ ဂျပန်တွေ အံ့သြကုန်ကြပါလေရော.. နိုင်ငံအသီးသီးကို ရိုက်ကူးတင်ပြသွားရင်းက မြန်မာပြည်မှာ မိန်းမလျာတွေ တခြားနိုင်ငံတွေနဲ့ မတူ ပတ်ဝန်းကျင်မှာ လွတ်လွတ်လပ်လပ် နေထိုင်ခွင့်ရတာကိုပါပဲ..။ အဆုံးမှာတော့ နိုင်ငံတကာမှာ ရိုက်ထားတဲ့ မိန်းမလျာတွေရဲ့ ဘဝရိုက်ကွင်းတွေကို ပြန်ပြရင်း မဲခွဲဆုံးဖြတ်ပါတယ်..။ ကျွန်တော်တို့ မြန်မာပြည်က မိန်းမလျာတွေ လွတ်လပ်ပါတယ် ဆိုတဲ့ ထိုင်းနိုင်ငံကို ကျော်တက်ပြီး မြန်မာပြည်ကို သွားရောက် ရိုက်ကူးခဲ့တဲ့ သတင်းထောက် ဆုရရှိခဲ့ပါတယ်.။ OKAMA NO TENKOKU (မိန်းမလျာတုိ့ရဲ့ နတ်ပြည်) ဘွဲ့ကိုတော့ ပရိသတ်တွေ အားလုံးရဲ့ဆန္ဒအရ မဲအများဆုံးနဲ့ မြန်မာပြည်က ရရှိသွားပါတယ်..။ ကြည့်နေတဲ့ ကျွန်တော်နဲ့ သူငယ်ချင်း နှစ်ယောက်ကတော့ ဝမ်းသာရမလိုလို ဂုဏ်ယူရမလို အီလည်လည်နဲ့ပေါ့ဗျာ။ အဆိုပါ ရုပ်သံကို ကြည့်မိကြတဲ့ ဂျပန်က မြန်မာပရိသတ်တွေလည်း ရှိကြမှာပါ..။
ပြီးခဲ့တဲ့ ၂၀၁၀ခုနှစ် ဇွန်လ ၂၁ ရက်နေ့က လာအို ဝန်ကြီးချုပ် မစ္စတာ ဘိုဝါဆွန်ဘုဖာဝမ်း လာရောက်စဉ်က စပြီး ချိတ်ထမီ စတင် ဝတ်ဆင်လာတာပါ...
လွန်ခဲ့တဲ့ ၆နှစ်ခန့်က ဆိုပေမယ့် ဂျပန်လူမျိုးတွေ သတင်းထောက်တွေ မြန်မာပြည်ရဲ့ ယခုလတ်တစ်လော အခြေအနေတွေကို ကြိုမြင် ကြိုသိနေလို့ OKAMA NO TENKOKU (မိန်းမလျာတုိ့ရဲ့ နတ်ပြည်) ဘွဲ့ကို ကြိုပေးတာများလားဆိုတာ.. စဉ်းစားစရာ ဖြစ်လာပါတယ်...။ ပြီးခဲတဲ့နှစ် ၆လပိုင်းက စပြီး မြန်မာဝန်ကြီးချုပ်နဲ့ ဗိုလ်ချုပ်တွေ ချိတ်ထမီကို ဆင်မြန်း ဝတ်ဆင်လာကြတာ အများသိကြတဲ့ အတိုင်းပါပဲ.. ဒီရက်ပိုင်းအတွင်း ပြည်ထောင်စုနေ့ အခမ်းအနားမှာတော့ တပ်ချုပ်ကြီးနဲ့ ဝန်ကြီးအဖွဲ့ဝင်တွေ လွှတ်တော် ကိုယ်စားလှယ်တော်ကြီးတွေ ပြိုးပြိုးပျက်ပျက် ဖြူဖြူပြာပြာ နီနီဝါဝါတွေနဲ့ ယိမ်းအဖွဲ့များ သဖွယ် ထွက်ပေါ်လာကြပါတယ်..။
ဒါပေမယ့် ကွာခြားချက်တွေ ကြည့်ရအောင်ဗျာ.. မြန်မာပြည်ရဲ့ မိတ်ကပ်လောကကို နှစ်ပေါင်းများစွာ အုပ်စိုးလာတာ မြန်မာပြည်ရဲ့ အလှဖန်တီးရှင် မိန်းမလျာတွေပါပဲ..။ မိန်းမတစ်ယောက်ရဲ့စိတ်နဲ့ ယောင်္ကျားတစ်ယောက်ရဲ့ စိတ်နှစ်ခု အမြင်နှစ်မျိုးရှိပြီး ဖိုမစိတ်နှစ်ခုလုံးကို သိနေတဲ့ အတွက် အောင်မြင်တာပါ..။ ထို့အတူ မြန်မာပြည်ရဲ့ မိန်းမလျာ ချိတ်ထမီဝတ် ဗိုလ်ချုပ်ကြီးများဟာလည်း ကုလသမဂ္ဂရဲ့ ယောင်္ကျားလို ပြတ်ပြတ်သားသား မရှိတဲ့ စိတ်ကိုသိနေပြီး စကားအမျိုးမျိုး မိန်းမလို မိန်းမရပြောတတ်တဲ့ အာစီယံရဲ့ အကြောင်းကို သိနေ နောကြေနေတဲ့ အတွက် ယခုအချိန်အထိ မိန်းမလျာတို့ရဲ့ နတ်ပြည် အဖြစ်ဆက်လက် အုပ်စိုးနေနိုင်တာပါပဲ..။
တပ်ချုပ်ကြီးမှ ချိတ်ထမီဝတ် နတ်ချုပ်ကြီးအဖြစ်
မြန်မာပြည်ရဲ့ မိန်းမလျာတွေကတော့ မိတ်ကပ် အတတ်ပညာ၊ နတ်ကတော် စတဲ့ အသက်မွေးဝမ်းကြောင်း ပညာရပ်တွေနဲ့ ကောင်းရောင်း ကောင်းဝယ် လုပ်စားတဲ့သူ အများစု ဖြစ်ကြပေမယ့် ချိတ်ထမီဝတ် အဖွဲ့ကတော့ အာဏာနဲ့ ပြည်သူ့ဘဏ္ဍာငွေတွေကို ပိုင်စိုးပိုင်းနင်း အနှစ်(၂၀)ကျော် မတရား အဓမ္မ ရယူနေကြတာပါ..။ အားနွဲ့တဲ့ ကမ္ဘာကျော် မြန်မာအမျိုးသမီး တစ်ယောက်ကိုလည်း နှစ်ပေါင်းများစွာ ဖမ်းဆီးချုပ်နှောင် တတ်တာလည်း ချိတ်ထမီဝတ် မိန်းမလျာ အဖွဲ့ပါပဲ..။
ကျွန်တော်တို့ ရှစ်လေးလုံး အရေးအခင်းကြီး အတွင်းကလို မြန်မာနိုင်ငံလုံးဆိုင်ရာ အလှဖန်တီးရှင်များအသင်း ရှိခဲ့မယ် ဆိုရင်တော့ ယခုလို အလှပညာလည်း မတတ်၊ နတ်ကတော်လည်းမဟုတ်၊ ရှောက်သီးဆေးပြားလည်း မရောင်းတတ်ပဲ... ချိတ်ထမီဝတ်နေတဲ့ ဗိုလ်ချုပ်တွေကို ပြတ်ပြတ်သားသား ကန့်ကွက် ဆန့်ကျင်သင့်ပါတယ်..။ နို့မဟုတ်ရင် ဒီထက်ပိုဆိုးပြီး ချိတ်ထမီကနေ အတင့်ရဲပြီး စကပ်တို့ ဂါဝန်တို့ မဝတ်ဘူးလို့ ဘယ်သူမှ မပြောနိုင်ပါဘူး..။ အစမှာ စမ်းဝတ်ကြည့်ရင်း နောက်ပိုင်း ကန့်ကွက်မယ့်သူ မရှိလို့ ဆက်လက် ကျူးလွန်လာရင် မြန်မာပြည်ရဲ့ အလှဖန်တီးရှင်များအနေနဲ့ သိက္ခာကျပါတယ်...။ ထို့အတွက်ကြောင့် မြန်မာနိုင်ငံလုံးဆိုင်ရာ အလှဖန်တီးရှင်များအသင်းမှ မြန်မာပြည်မှ ဗိုလ်ချုပ်ကြီးများ ချိတ်ထမီဝတ်ဆင်မှုကို ကန့်ကွက်သင့်ပါကြောင်း တိုက်တွန်းနှိုးဆော်လိုက်ရပါတယ်..။
သရော်စာ...
အကို ဒီမိုဝေယံအားကျေးဇူးတင်ပါသည်။
