ယာဉ်ထိန်း ကောင်းစားရေး စီမံချက်

စာဖတ်ပရိသတ်များခင်ဗျား
ရန်ကုန်မြို့ပြရဲ့ အုပ်ချုပ်ရေးယန္တယား ယာဉ်ထိန်းရဲ အဖွဲ့အစည်းတွေဟာ
စစ်အာဏာရှင်တွေရဲ့ လက်ကိုင်တုတ် ဖြစ်နေပုံ၊ ပြည်သူလူထုကို နှိပ်ကွပ်ဖို့
စွမ်းအားရှင် ကြံ့ဖွံ့တွေ အတွက် ဒိုင်နာကားများနှင့်
မော်တော်ဆိုင်ကယ်များအား ယာဉ်ထိန်းရဲများက စီစဉ်ပေးရပုံ ၊ နအဖစနစ်တကျ
မွေးမြူထားတဲ့ ယာဉ်ထိန်းရဲဝန်ထမ်းတွေဟာ အကျင့်ပျက် လာဒ်စားမှု အောက်မှာသာ
မွေ့ပျော်နေကြရပြီး အဲဒီလိုမှ မဟုတ်ရင်လည်း ငတ်သေနိုင်တဲ့အထိ
စီးပွါးရေးပျက်ကပ်ကြီးက ၀ါးမြိုနေကြောင်း မောင်ဘဲဥက ကျွန်တော်
ကိုဖိုးတရုတ်အား ပြောကြားလာပါတယ်။ တဆက်တည်းမှာ လက်တွေ့ ဖြစ်ပျက်နေတဲ့
ဖြစ်ရပ်မှန်တွေနဲ့ ပတ်သက်တဲ့ ဆောင်းပါးတစ်ပုဒ်ကိုလည်း ပေးပို့လာပါတယ်။
အခုလိုပေးပို့လာတဲ့ ဆောင်းပါးရှင် ပြည်တွင်းမှ မောင်ဘဲဥအား
အထူးကျေးဇူးတင်ရှိပါကြောင်း စည်းလုံးခြင်းရဲ့ အင်အားမှ မှတ်တမ်းတင်
ဂုဏ်ပြုရင်း တင်ပြလိုက်ရပါတယ် ခင်ဗျား။
ယာဉ်ထိန်း ကောင်းစားရေး စီမံချက်
ပေးပို့သူ - မောင်

ရန်ကုန်မြို့အတွင်း ၂၀၀၉ ခုနှစ် ဇွန်လပိုင်းမှစပြီး ဌာနဆိုင်ရာ
ယာဉ်စီးနှင်ခွင့်များအား စီစစ် စစ်ဆေးမှုများ တင်းကျပ်မည်ဟု နီးစပ်ရာ
အသိုင်းအ၀ိုင်း အချို့မှ သတင်း ရရှိခဲ့ပါသည်။ ယင်းစီမံချက်ကို
ဇွန်လလယ်ပိုင်းတွင် စတင်ခဲ့သော်လည်း ထုံးတမ်းစဉ်လာ အတိုင်း
ဇူလိုင်လဆန်းပိုင်းမှာမှ စတင် အကောင်အထည်ပေါ်လာပြီးနောက် ရန်ကုန်တိုင်း
နယ်နိမိတ် အတွင်းတွင် အထူးသဖြင့် ဆိုင်ကယ်များကို အဓမ္မဖမ်းဆီးခြင်း
ပြုလုပ်နေကြောင်း သိရှိ ရပါသည်။ ဆိုင်ကယ်များကို ကန့်သတ်ဧရိယာအတွင်း
ရံပုံငွေထည့်ပြီး ထောက်ခံချက် ရေးသားထားသော ကဒ်ဖြင့် ခွင့်ပြုထားသည်
ဆိုသော်လည်း ရန်ကုန်တိုင်းစစ်ဌာနချုပ် အထူးစီမံချက်ဟု အကြောင်းပြကာ
ပြန်လည်ဖမ်းဆီးမှု ပြုခဲ့သော ဖြစ်စဉ်ကို တင်ပြသွားပါမည်။ ယာဉ်စည်းကမ်း
ထိန်းသိမ်းရေးကော်မတီမှ အောက်ပါစည်းကမ်းချက်များ သတ်မှတ်ခဲ့သည်ဟု
သိရပါသည် -
(၁) ၀န်ထမ်းမဟုတ်ခြင်း။
(၂) ၀န်ထမ်းဖြစ်သော်လည်း စီးနင်းခွင့်ရှိသူ မဟုတ်ခြင်း။
(၃) ဆိုင်ကယ်လိုင်စင်မရှိခြင်း (ရန်ကုန်တိုင်းတွင် ဌာနဆိုင်ရာမှအပ
လိုင်စင်ပေးခြင်း မရှိသေးပါ)။
(၄) နယ်ကျော်စီးနင်းခြင်း (ဥပမာ- ပဲခူးလိုင်စင်၊ လှည်းကူးနှင့်
ရန်ကုန်တိုင်းအတွင်း စီးနင်းခြင်း)။
(၅) ဌာနဆိုင်ရာ ယာဉ်မဟုတ်ခြင်း။
(၆) ဆိုင်ကယ်ဦးထုပ် မဆောင်းခြင်း။
(၇) နှစ်ယောက်စီးနင်းခြင်း။
(၈) ဆိုင်ကယ်ပစ္စည်း မပြည့်စုံခြင်း (ဥပမာ- မီးသီး၊ ဟွန်း၊ မှန်…စသည်)
စသော အကြောင်းအရာပေါင်းစုံနှင့် လွတ်ကွက်မရှိ အကုန်ဖမ်းဆီးနေသဖြင့်
မည်သည့်အောက်ခြေ လူတန်းစားမဆို ဆိုင်ကယ်မစီးနင်းရဲ ဖြစ်နေပါသည်ဟု
သိရပါသည်။
စီမံချက်ကို အကောင်အထည်ဖော်ရာ၌ ရန်ကုန်တိုင်း ယာဉ်ထိန်းနယ်မြေများ
ခွဲဝေထားပြီး သက်ဆိုင်ရာ နယ်မြေတွင်း နယ်မြေမှူး (ရဲအုပ်) မှ ဦးဆောင်ကာ
လှုပ်ရှား လျက်ရှိပါသည်။ ရန်ကုန်တိုင်းအတွင်းရှိ သေးငယ်သော
ယာဉ်တိုက်မှုကြောင့်ဖြစ်စေ၊ အငယ်စား လမ်းစည်းကမ်း
ဖောက်ဖျက်မှုကြောင့်ဖြစ်စေ၊ အရေးယူရမည့် မော်တော်ယာဉ် များအား
ပြစ်မှုအလိုက် (၁)ရက်၊ (၃)ရက်၊ (၁)ပတ် စသဖြင့် ချောဆွဲ၍
မြို့နယ်များအတွင်း ယာဉ်ထိန်းရဲများက အုပ်စုဖွဲ့ကာ အဆိုပါကားများကို
အသုံးချပြီး ကားပတ်မောင်းရင်း တွေ့သမျှ ဆိုင်ကယ်များရှေ့ ပိတ်ရပ်ရင်း
လူမိုက်ဂိုဏ်းဆန်ဆန် အတင်းလုယူ ယူဆောင် သွားလေ့ရှိပါသည်။
ယခင်က မ.ယ.က (မြို့နယ်အေးချမ်းသာယာရေးနှင့် ဖွံ့ဖြိုးရေးကောင်စီ)
ရုံးတွင် အလှူငွေ (၁၀၀,၀၀၀) ကျပ် ထည့်ဝင်ပါက -
သို့

သက်ဆိုင်ရာ အရာရှိ

ဤယာဉ်နှင့် ယာဉ်စီးနင်းသူ ဦး………….. နိုင်ငံသားအမှတ်……………သည်
………….ရပ်ကွက်၊…………….မြို့နယ်တွင် လူထုတွင်း ငြိမ်ဝပ်ပိပြားမှု တည်ဆောက်ရေး
လုပ်ငန်းများ၌် ပူးပေါင်းဆောင်ရွက် သတင်းပေးအကျိုးပြုနေပါသဖြင့်
ညှိနှိုင်းဆောင်ရွက် ပေးပါရန် အသိပေးအပ်ပါသည်။



(………..)

ဥက္ကဌ

…………မြို့နယ်
(မှတ်ချက်။ ။ ………………..နေ့မှ ……………………ထိ)
ဟု ရေးသားထားသော (၆)လ သက်တမ်းရှိသည်ဆိုသည့် ကဒ်ပြားအား ပလပ်စတစ် လောင်း၍
ပေးပါသည်။ ယင်းကဒ်အား ဆိုင်ကယ်တွင် ချိတ်ဆွဲထားပါက သတ်မှတ်မြို့နယ်
ဧရိယာအတွင်း ယာဉ်စီးနင်းနိုင်ပါသည်။
ယခုအခါ ဇူလိုင်လမှာ မြောက်ဒဂုံ (ယာဉ်ထိန်းနယ်မြေ - ၆) အတွင်း ဖမ်းဆီးခံရ
ဆိုင်ကယ်သမားများအား စုံစမ်းမေးမြန်းရာ၌ ၀န်ထမ်းများ ဌာနဆိုင်ရာယာဉ်
ဖမ်းဆီးခံရ ပါက (၂) လပြည့်လျှင် (၅၁) လမ်းရှိ ယာဉ်မှုစစ်ရုံးချုပ်တွင်
ချမှတ်သောဒဏ်ငွေ (အနိမ့်ဆုံး ၈၀၀၀၀) ဆောင်၍ ပြန်လည်ထုတ်ယူနိုင်ကြောင်း၊
ပြစ်မှုကျူးလွန်သော ယာဉ်စီးနင်းသူအား ဒဏ်ငွေ (အတိအကျမသိရ)
ပေးဆောင်စေရကြောင်း သိရှိရပါသည်။ လိုင်စင်မဲ့ယာဉ်များ မှာ
အပြီးသိမ်းယူခံရပြီး အဖွဲ့အစည်းအချို့နှင့် အရပ်ဖက်စွမ်းအားရှင်၊
ကြံ့ဖွံ့တို့အား ရာရှင် စနစ်ဖြင့် မြို့နယ်အလိုက် ခွဲဝေပေးကြောင်း
သိရှိရပါသည်။
မြောက်ဒဂုံ ၊ ၇-၈ လမ်းဆုံအနီး ဖမ်းဆီးခံရသူ တစ်ဦးက ဤသို့ ပြန်လည်
ပြောကြားခဲ့ပါသည်။ “ကျွန်တော့်ဆိုင်ကယ်ကို ယာဉ်ထိန်းရဲအုပ် တစ်ဦးနှင့်
အပေါင်းပါ (၅) ဦးမှ ကားနှင့်ပိတ်ရပ်၍ သော့အတင်းလုယူပြီး
ဆိုင်ကယ်ထိုင်ခုံ အဖုံးဖွင့်ကာ အထဲ၌ ထည့်ထားသော ပစ္စည်းအချို့အား
မြေပေါ်ပစ်ချရင်း အတင်းမောင်းနှင် ယူဆောင်သွား ခဲ့ကြပါသည်။ မိမိက မ.ယ.က
ရုံးမှ ထုတ်ပေးထားသော ကဒ်အားပြသ၍ အကူအညီပေးရန် ပြောဆိုသော်လည်း
တိုင်းစစ်ဌာနချုပ်၊ အထူးအဆင့် စီမံချက်ဖြစ်သဖြင့် မကူညီနိုင်ပါဆိုသဖြင့်
တစ်ခါတည်းပြီးပြတ်ပါရန် တောင်းပန်၍ ပါလာသမျှ ငွေ (၁၂၀၀၀) ကျပ်အား
ပေးအပ်သော်လည်း လက်မခံပဲ (နယ်မြေ - ၆) ရုံးတွင် လာရှင်း” ဟု
ပြောသွားခဲ့ပါသည်။
ကျွန်တော်မှ မ.ယ.က ရုံးသို့ အကူအညီတောင်းခံရာ အထူးစီမံချက် ဖြစ်၍
မတတ်နိုင်ဟု အကြောင်းပြန်သဖြင့် နေ့ချင်း (နယ်မြေ - ၆) ရုံးသို့
လိုက်လံဖြေရှင်းရပါသည်။ ယာဉ်ထိန်းရုံးတွင် စာရေးကြီးတစ်ဦး၏
အကြံပေးချက်အတိုင်း နယ်မြေမှူး (ရဲအုပ် - တင့်အောင်) အား ပထမဆုံးနှင့်
နောက်ဆုံးအကြိမ်အဖြစ် ခွင့်လွှတ်ပေးပါရန် အသနားခံ၍ (၁၀၀,၀၀၀) ကျပ်တိတိ
ကန်တော့ခဲ့ရပါသည်။ ထိုအခါ နယ်မြေမှူးမှ “သူတပည့်တွေ ပြောထားပေးမယ်၊ လမ်း
(၅၁) ရုံးမတင်ခင် မြန်မြန်လုပ် အဆင်ပြေလိမ့်မယ်” ဟု ပြောခဲ့ပါသည်။
ထို့နောက် တဖက်ရုံးခန်းရှိ ၀န်ထမ်းများနှင့် နယ်မြေမှူး၏
ညွှန်ကြားချက်အတိုင်း ကူညီဆောင်ရွက် ပေးပါရန် ပြောဆိုရာ မိမိတို့ယနေ့
လှည့်ကင်းအဖွဲ့ (၆) ဦးအား မည်သို့ လုပ်ပေးမလဲဟု မေးလာပါသည်။ မိမိမှ
(၃၀၀၀၀) ကျပ်ပေးရာ လူ(၆) ဦး (၃၀၀၀၀) ကျပ် နှင့် မရဟု ဆိုကာ (၈၀၀၀၀) ကျပ်
တောင်းလာပါသည်။ မိမိမှ နယ်မြေမှူးအားလည်း (၁၀၀၀၀၀) ကျပ်
ကန်တော့ပြီးဖြစ်ပါ၍ ညှာတာပါရန် ဖြေရှင်းသော်လည်း ဒုရဲအုပ်မှ ဦးဆောင်၍
မင်းဆိုင်ကယ်က (၆၀၀၀၀၀) ကျော်တန်တာပဲ။ မင်းအဆုံးခံနိုင်ရင် မရွေးနဲ့ပေါ့
ဟု ဆိုသဖြင့် မိမိမှာ အိမ်ပြန်၍ လိုအပ်သောငွေအား ထပ်မံရှာဖွေရပြန်သည်။
ငွေပြည့်စုံ၍ ပြန်လာသည့်အခါ နောက်ကျညနက်စပြုလာ၍ ရုံးတွင်မရှိကြတော့ဘဲ (မ.
ဝ.တ လမ်းဆုံအနီး) ဘီယာဆိုင်သို့ ရောက်နေပြီဆိုသဖြင့် ထပ်မံလိုက်ခဲ့ရပြီး
တွေ့သည့်အခါ နောက်ကျသွားပြီ ရုံးချုပ် တင်လိုက်ပြီဟု ပြောလာပါသည်။
ထို့ကြောင့် မိမိမှ နယ်မြေမှူးအား ဖုန်းဆက်၍ အကူအညီထပ်မံ တောင်းခံ
ရပြန်သည်။ နယ်မြေမှူးမှ “မင်းက ပိုက်ဆံနှမြောတာကိုး”ဟု
ဆူပူကြိမ်းမောင်းပြီး “ငါ့ကောင်တွေကို ပြောပေးမယ်၊ သူတို့ ကျေနပ်အောင်
လုပ်ပေးလိုက်၊ ငါ့ဆီ ဖုန်းထပ် မဆက်နဲ့တော”့ ဟု ပြောဆိုခဲ့ကြောင်း
သိရပါသည်။ ဤသို့ဖြင့် ဒုရဲအုပ်မှ နောက်တစ်နေ့မှ ရုံးပြန်လာခဲ့ဆိုကာ
နောက်တစ်နေ့ရုံးတွင် (၅၁) လမ်း ယာဉ်မှုစစ်ရုံးချုပ်
ရောက်သွားပြီဖြစ်သဖြင့် “အကောင်းဆုံး အကြံပေးမယ်၊ မင်းဆိုင်ကယ်
အစုတ်တစ်စီး ရှာဝယ်ပြီး ငါ့လာတွေ့၊ မင်းဆိုင်ကယ် အကောင်းနဲ့
အစုတ်လဲပေးမယ်၊ လဲလှယ်ခ (၁၀၀၀၀၀) ပေးရမယ်၊ အဲဒါကိုမှ အဆင်မပြေရင်
ထပ်လာမတွေ့နဲ့တော့” ဟုဆိုပြန်ကာ ထိုနေ့ညနေ နောက်ဆုံးအချိန် ပေးပါသည်။
မိမိမှ မိမိဆိုင်ကယ် တန်ဖိုးနှင့် တွက်ချက်၍ နှမြောမိကာ ရွေးပါတော့မည်၊
နာရီပိုင်း အတွင်းနှင့် ဆိုင်ကယ် အစုတ်တစ်စီး ရှာရန်မဖြစ်နိုင်ပါဟု
ပြောဆိုရာ ၎င်း ဒုရဲအုပ်မှ ၎င်းတို့၏ ရုံးဝင်းအတွင်း ရပ်တန့်ထားသော
ဖမ်းဆီးဆိုင်ကယ် (၅၀) နီးပါးခန့်ထဲမှ အစုတ်ဆုံး ဆိုင်ကယ်တစ်စီးအား ပြသ၍
အဲဒါယူ (၃၀၀၀၀) ပဲပေးပါဟု ဆိုလာသဖြင့် ၎င်းဆိုင်ကယ်အား (၃၀၀၀၀) ကျပ်နှင့်
ဆိုင်ကယ်လဲလှယ်ခ (၁၀၀၀၀၀) ကျပ် စုစုပေါင်း (၁၃၀၀၀၀) ကျပ် တိတိ
ပေးအပ်ခဲ့ရပါသည်။
ဤသို့ပေးအပ်ပြီးသည်နှင့် ဒုရဲအုပ်မှ ခဏစောင့်ဟုဆိုကာ ရဲဘော်ဝန်ထမ်း
တစ်ဦးနှင့် ယာဉ်ထိန်းဘားတိုက် အတွင်းမှ မိမိဆိုင်ကယ်အားတွန်း၍
ထုတ်ပေးလာပါသည်။ ထို့ပြင်မင်းက အစောကြီးကတည်းက (၈၀၀၀၀) နဲ့ ပြတ်ရမှာကို
နှမြောတော့ (၁၃၀၀၀၀) ကုန်သွားတာပေါ့၊ မှတ်ထားကွ၊ ယာဉ်ထိန်းနယ်မြေ (၆) မှာ
ငါတို့ လုပ်ချင်ရာ လုပ်လို့ ရတယ်ဟု သရော်လှောင်ပြောင် ပြောဆိုခဲ့ကြောင်း
သိရပါသည်။
ဆက်လက်ပြောပြရာမှာ မိမိကိစ္စကို ရုံးချုပ် ပို့ပြီးပြီဟု လိမ်လည်လှည့်ဖြား
ပြောဆို ငွေညှစ်ခဲ့သော ထိုဝန်ထမ်း တစ်စုအား တိုင်ကြားရန် (၅၁) လမ်း
ရုံးချုပ်တွင် သွားရောက်စုံစမ်းရာ တရားမ၀င် ဆိုင်ကယ်စီးနင်းမှုဖြင့်
အရေးယူမည်ဟု တာဝန်ကျ အကြပ်ကြီးမှ ထပ်မံခြိမ်းခြောက်ခြင်း ခံခဲ့ရပါသည်။
အမှန်တကယ် မိမိအနေဖြင့် မယကရုံးကို ရံပုံငွေ ကျပ် (၁၀၀၀၀၀)
ပေးထားခဲ့ပြီးမှ တရားဝင်လိုင်စင်နှင့် ပါဝါညီမျှသော (၆)
လသက်တမ်းရှိကဒ်ကိုရရှိထားပြီး ဖြစ်သော်လည်း ယခုလို
ဆိုင်ကယ်ဖမ်းခံရချိန်တွင် မယကမှ တာဝန်ယူ ၀င်ရောက် ဖြေရှင်းနိုင်ခြင်း
မရှိပါ။
ရန်ကုန်တိုင်း ဧရိယာတွင် သတ်မှတ်ထားသော မြို့ထဲ (Downtown) (၇)
မြို့နယ်မှ အပ ဆင်ခြေဖုံး ရန်ကုန်မြို့နယ်အစွန်များတွင်
ရံပုံငွေရရှိရေးအတွက် မိမိမှ လိုင်းကြေးပေးပြီး တရားဝင်
စီးခွင့်ရရှိသည်ဟု ယူဆပါသည်။ သို့သော် မယကမှ တိုင်းစစ်ဌာနချုပ်
အထူးစီမံချက်ကို အကြောင်းပြု၍ ဖြေရှင်းနိုင်ခြင်း မပြုသော်လည်း
စီမံချက်ကာလအတွင်း အကျိုးအကြောင်းရှင်းပြ သတိပေးမှုကိုတော့ လုပ်ဆောင်
အသိပေးသင့်ပါသည်။ ယခုမူ တိုင်းစစ်ဌာနချုပ် အထူးစီမံချက် ပါဝါကို
အလွဲသုံးစားလုပ်ကာ ပြည်သူလူထုကို နိုင်ထက်စီးနင်း လုပ်ခဲ့ပါသည်။
မယကမှလည်း ငွေတော့ယူပြီး တာဝန်မယူဘဲ ယာဉ်ထိန်းရဲများ အဂတိ လိုက်စား
နိုင်အောင် မသိကျိုးကျွံ ပြုခဲ့ပါသည်။
ရန်ကုန်တိုင်းအတွင်း သွားလာရ ခက်ခဲပြီး ဆိုင်ကယ်စီးနင်းမှု အများဆုံး
နယ်မြေဖြစ်သော မြောက်ဒဂုံမြို့နယ် အတွင်း ဆိုင်ကယ်ဖမ်းဆီးမှုများ
ယခင်လအတွင်း အလွန်များပြားနေပြီး ၎င်းနယ်မြေ (ယာဉ်ထိန်း နယ်မြေ - ၆) မှ
နယ်မြေမှူးနှင့် ၀န်ထမ်းများသည် နည်းလမ်းပေါင်းစုံဖြင့် ဥပဒေကို
ခုတုံးလုပ်ကာ ၀င်ငွေလွန်စွာ ကောင်းမွန်နေ၍ နယ်မြေ ရုံးဝင်းအနီး
လဘက်ရည်ဆိုင်၌ပင် ငွေသိန်းချီကိုင်ရင်း မူးယစ်သောက်စား ဖဲကစားနေကြ ပါသည်။
ထို့ကြောင့် ယခုအခါ ရန်ကုန်တိုင်း စစ်ဌာနချုပ်မှ စီမံချမှတ်သော
ဤစီမံချက်အား “ယာဉ်ထိန်းကောင်းစားရေး စီမံချက်” ဟု ပြောင်လှောင်သရော်
ခေါ်ဆိုနေကြကြောင်းနှင့် ဘယ်သူ တရားပျက်ပျက် ငါတို့ကို မမှီပါဘူးလို့
အုပ်ချုပ်ရေးယန္တယားမှ နအဖ ဖျက်ဆီးထားတဲ့ ၀န်ထမ်းတွေက ကြွေးကြော်ရင်း
ကမ္ဘာမီးလောင် သားကောင်ချနင်းနေသည့် ပြည်တွင်းမှ ဖြစ်ရပ်မှန်ကို
တင်ပြလိုက်ရပါသည်။