ယစ်ရွှေရည် ပန်းချီဆရာ၏ ဇာတိမာန်

ရှေးအခါက မြန်မာနိုင်ငံသည် အိမ်နီးချင်းနိုင်ငံတစ်ခုနှင့် ပြည်ထောင်အချင်းချင်း ရွှေလမ်းငွေလမ်းခင်း၍ အနူးအညွတ် ဆက်ဆံကြ၏။ ထိုသို့ဆက်ဆံရာတွင် ပညာရှိသံတမန်များနှင့် လက်ဆောင်ပဏ္ဏာများသာမကဘဲ မိမိတို့ကျွမ်းကျင်သည့် အနုပညာရပ်များကိုပါ အသုံးပြု၍ ပြသမိတ်ဆက်လေ့ရှိ၏။

တစ်ရံရောအခါ မြန်မာနိုင်ငံ အိမ်နီးချင်းနိုင်ငံတစ်ခုမှ အနုပညာအဖွဲ့တစ်ဖွဲ့ ဆိုက်ရောက်လာလေ၏။ ထိုအနုပညာအဖွဲ့၌ ပန်းချီဆရာကြီး တစ်ယောက် ပါရှိလာ၏။ နိုင်ငံခြားပန်းချီကျော်သည် အတန်ကြီးသော ပိတ်ကားတစ်ခုကိုထောင်စေ၍ အနီးရှိဆေးခွက်၌ စုတ်တံကို တစ်ချက်မျှနှစ်ပြီးလျှင် ပိတ်ကားရှေ့ တွင် လွှားခနဲခုန်လျက် အောက်သို့ခြေမကျမီအတွင်း ပိတ်သားပေါ်တွင် အချိုးကျပီသလှသော အရုပ်တစ်ခုကို တစ်ကြောင်းဆွဲဖြင့် ရေးခြစ်ပြလိုက်ရာ မြန်မာဘုရင်မင်းမြတ်နှင့် မြန်မာပရိသတ်မှာ နိုင်ငံခြားပန်းချီကျော်၏ လက်စွမ်းကို ရင်ဘတ်စည်တီး အံ့သြချီးမွမ်းမဆုံး ဖြစ်ရလေ၏။

မြန်မာဘုရင်ကြီးသည် နိုင်ငံခြားပန်းချီကျော်နှင့် ယှဉ်ပြိုင်မည့်ပုဂ္ဂိုလ် မြန်မာနိုင်ငံတွင်ရှိမရှိဟူသောသဘောဖြင့် မြန်မာပန်းချီကျော်များ ဘက်သို့လှည့်၍ ရှုစားလိုက်လေသည်။ မန်မာပန်းချီကျော်များအနက် သေရည်အမြဲယစ်လျက်နေသော ပန်းချီဆရာကြီးတစ်ဦးမှာ ဇာတိမာန်လှုံ့ဆော်လာ၍ ကျွန်တော်မျိုးလည်း ဤပန်းချီဆရာကြီးကဲ့သို့ပင် ရေးဆွဲနိုင်ပါသည်ဘုရားဟု လျှောက်တင်လေသည်။

ဘုရင်မင်းမြတ်လည်း နှစ်ထောင်းအားရသည်ဖြစ်၍ နိုင်ငံခြားပန်းချီဆရာကြီးကဲ့သို့ပင် ပိတ်ကားကြီး၌ မြန်မာပန်းချီဆရာအား ပန်းချီရေးဆွဲခွင့်ပြုလိုက်လေ၏။ ဤတွင် ယစ်ရွှေရည် မြန်မာပန်းချီဆရာကြီးသည် စုတ်တံမပါဘဲ ဆေးခွက်၌ လက်ငါးချောင်းနှစ်ကာ ပိတ်ကားရှေ့ တွင် လွှားခနဲခုန်လိုက်လေ၏။ အောက်သို့မကျမီ အချိန်အတွင်း ပိတ်ကားပေါ်တွင် လက်ငါးချောင်းဖြင့် အရုပ်ငါးရုပ်ကို ရုတ်ချည်ရေးဆွဲလိုက်ပြီး ခုဆွဲတာ တီငါးကောင်ဟု ကျယ်လောင်စွာ အော်ဟစ်ပြောဆိုလိုက်၏။

တင်္ခဏုပ္ပတ္တိဉာဏ် ထက်သန်လှသော မြန်မာပန်းချီကျော်၏ လက်စွမ်းကို ရှုမြင်လိုက်ရသည်တွင် နိုင်ငံခြားပန်းချီဆရာနှင့် အနုပညာအဖွဲ့ဝင်များက ကျွန်ုပ်တို့၏ ပန်းချီကျော်မှာ တစ်ခုန်တည်းဖြင့် အရုပ်တစ်ရုပ်သာ ရေးဆွဲနိုင်ပါသည်။ မြန်မာပန်းချီကျော်မှာမူ တစ်ခုန်တည်း၌ အရုပ်ငါးရုပ် ရေးဆွဲနိုင်၍ အံ့ဖွယ်သရဲရှိလှပါပေသည်ဟူ၍ ချီးကျူးဝန်ခံလေ၏။

ဤသို့ ပညာသည်ချင်း၏ ချီးကျူးသည့်အဖြစ်ကို ကြားသိရသော ဘုရင်မင်းမြတ်သည် သေသောက်ကြူးပေမယ့် ဇာတိသွေးလှုံ့ဆော်တော့ တော်သားပါလားဟု မြန်မာပန်းချီဆရာကြီးကို ချီးမွမ်း၍ ဆုလာဘ်များ ပေးသနားတော်မူလေသည်။

ဆောင်ပုဒ် -

                  ဇာတိသွေးမာန်
                  လွန်ထက်သန်
                  အကြံကောင်းစမြဲ။


အနုပညာ စာပေဆုရ
                                                                                                              မောင်ဗိုလ်မွှေး
                                                                                                        မြန်မာပုံတိုပတ်စများ