တိုင်းပြည်နဲ့လူမျိုးအတွက် ကိုယ်ကျိုးစွန့်အနစ်နာခံကာ နေအိမ်အကျယ်ချုပ်နဲ့ အထိန်းသိမ်းခံနေရသော အမေစုတစ်ယောက် ကျနော်တို့ပြည်သူတွေက အကျယ်ချုပ်မှလွတ်မြောက်မယ့်နေ့ရက်ကို မျှော်လင့်စောင့်စားခဲ့ရပါတယ်။ မမေစုတစ်ယောက်ရဲ့ဘ၀ဟာ စစ်ဘီလူးတွေရဲ့ လက်ခုပ်ထဲကရေဖြစ်နေလေတော့ ကျနော်တို့မြန်မာနိုင်ငံအတွက် အရာရာအားလုံးကိုစွန့်စားပြီး အကျဉ်းစံဘ၀နဲ့နေနေတဲ့အမေစုကို စစ်ဘီလူးတွေရဲ့ လက်အောက်မှာ မနေစေချင်တော့ဘူး။
ဖြစ်နိုင်မယ်ဆိုရင် ကျနော်တို့ပြည်သူတွေက စစ်ဘီလူးတွေကို ရရာလက်နက်စွဲကိုင်ပြီး အမေစုကိုကယ်ထုတ်လိုက်ချင်ပါတယ်။ ဒါပေမယ့် ကျနော်တို့ပြည်သူတွေမှာ စိတ်ဆန္ဒက ကယ်ထုတ်ချင်ပေမယ့် တစ်နိုင်ငံလုံးကို စစ်ဘီလူးတွေကနှိပ်စက်ပေါင်းများနေလေတော့ အမေစုဘက်ကို မလှည့်နိုင်သေးတဲ့အတွက် ကျနော်တို့ပြည်သူတွေအားလုံးကို အမေစုအနေနဲ့ အပြစ်ပေးသင့်နေပါပြီ။ တကယ်ဆိုရင် ကျနော်မြန်မာနိုင်ငံတစ်နိုင်ငံလုံးမှာ တစ်အိမ်ကိုတစ်ယောက်ကျစီနဲ့ အမေစုလမ်းခင်းပြထားတဲ့ ဒီမိုကရေစီတိုက်ပွဲကြီးကို စိတ်အားထက်သန်စွာပါဝင်ကြမယ်ဆိုရင် အခုချိန်ဆို အောင်မြင်မှုရနေလောက်ပါပြီ။
ကျနော်တို့ပြည်သူတွေမှာတော့ စစ်ဘီလူးတွေကိုလည်း ကြောက်ရတဲ့အချိန်မှာ ကလိမ်ကကျစ်ဥာဏ်များလွန်းလှတဲ့ စစ်ဘီလူးတွေက အမေစုကို လုပ်ကြံလိုက်မယ်ဆိုရင် ဒုတိယမ္ပိ ကျနော်တို့ပြည်သူတွေအဖို့ သိန်းငှက်လိုရင်ကွဲပြီးသေပွဲဝင်ရပါလိမ့်မယ်။ ဥပမာပေးရမယ်ဆိုရင် အမေစုနဲ့ ကျနော်တို့ပြည်သူတွေက သိန်းငှက်ကြီးဖြစ်နေပါတယ်။ ဘီလုံးငှက်လို ကလိမ်ကကျစ်ဥာဏ်သုံးတဲ့ စစ်ဘီလူးတွေကို နားလှည့်ပြီး ပါးရိုက်ပြရလိမ့်မယ်။ ဒါဆိုရင် ကျနော်တို့ပြည်သူအားလုံး အမေစုနှင့်အတူ ဆင်းရဲဒုက္ခမခံကြရတော့ဘူး။ အမေစုလည်း အကျဉ်းစံလှောင်အိမ်ထဲက လွတ်မြောက်ပြီး အသက်ရာကျော်ရှည်ပါစေဟု ဆုတောင်းသမှုပြုလိုက်ပါတယ်....။
ရွှေကန်မြေ မောင်နန္ဒာ
၁၉.၁.၁၀
No comments:
Post a Comment