မြန်မာပြည် ဒေသအသီးသီးမှာရှိတဲ့ အကျဉ်းထောင်တွေထဲက နိုင်ငံရေးအကျဉ်းသားတွေရဲ့ ကျန်းမာရေးအခြေအနေကလည်းအလွန်ဆိုးဝါးနေပြီး အကျဉ်းသားတွေရဲ့ မိသားစုဝင်တွေကို ထောင်ဝင်စာတွေခွှင့်လည်းအင်မတန်ခက်ခဲနေပါတယ်။ ထောင်ဝင်စာရပြန်တော့လည်း သွားရေးလာရေးခက်ခဲအောင် အမျိုးမျိုးဒုက္ခတွေနဲ့ဖန်တီးနေပါတယ်။ ဒီကနေ့မှာပဲ မြန်မာနိုင်ငံအတွင်းက နိုင်ငံရေးအကျဉ်းသား ၂၂၀၀ ကျော်ကို လွှတ်ပေးဖို့ ပြည်တွင်းပြည်ပ အဖွဲ့အစည်း၁၀ဖွဲ့က စုပြောင်းထုတ်ပြန်ထားတဲ့ တောင်းဆိုချက်တွေကို တပါတည်းဖော်ပြပေးလိုက်ပါတယ်။ ဆိုးဝါလွန်းတဲ့ စစ်အာဏာရှင် စနစ်ဆိုးအောက်မှာ နိုင်ငံရေးအကျဉ်းသားတွေကို နှိပ်စက်ပုံကတော့ ဒုတိယကမ္ဘာစစ်အတွင်းက နာဇီအကျဉ်းထောင်တွေ နဲ့မထူးမခြားနာပါပဲ။ တိုင်းပြည်အတွက် ကိုကျိုးစွန့်အနစ်နာခံပြီး အကျဉ်းကျခံထားရတဲ့ ရဲဘော်ရဲဘက် ညီအကိုတွေမောင်နှမတွေအတွက် ဂုဏ်ပြုလေးစားစွာဖြင့် တင်ပြပေးလိုက်ပါတယ်။ နိုင်ငံရေးအကျဉ်းသားမိသားစုဝင်များနဲ့အတူ ထပ်တူထပ်မျှ ခံစားရပါတယ်။ ဒီစနစ်ဆိုးကြီးအောက်က အမြန်ဆုံး လွတ်မြောက်ဖို့ မြန်မာနိုင်ငံသူနိုင်ငံသားတိုင်းမှာ တာဝန်ရှိပါတယ်။ မိမိတို့ ကိုယ်ပိုင်နည်းလမ်းတွေနဲ့ အာဏာရှင်စနစ်ကြီးကို တိုက်ခိုက်တော်လှန်ကြဖို့အချိန်ရောက်ပါပြီ။
လေးစားစွာဖြင့်
စက်တင်ဘာထာဝရ
No comments:
Post a Comment