ဖျက်လူနှင့်ဖျက်မိုး

ဖျက်မိုး

ယခု အချိန်ကာလ ဒီဇင်ဘာလသည် လပွတ္တာ ဒေသအတွင်း စိုက်ပျိုးထားသော စပါးများ ရင့်မှည့်သည့် အချိန်ကာလ ဖြစ်သည်။ ဤဒေသရှိ တောင်သူများ အနေဖြင့် နိုဝင်ဘာလကုန်မှ စတင်၍ ဇန်န၀ါရီလအထိအောင် သက်လျင်၊ သက်လတ်၊ သက်ကြီး အစရှိသည့် စပါးများအား သက်တမ်း အလိုက် ရိတ်သိမ်းမှုအား ပြုလုပ်ရပါသည်။ ပုံမှန် ရာသီဥတု အခြေအနေ ဆိုပါက ယခု ကာလသည် မိုးတိမ် ကင်းစင်သော ကာလဖြစ်ပြီး တောင်သူ လယ်သမားများ အတွက် မျှော်လင့်ချက်များနှင့် ပြည့်ဝသော ကာလ၊ ငွေရွှင်သော ကာလဖြစ်သည်။

လပွတ္တာ ကဲ့သို့သော မြစ်ဝကျွန်းပေါ် ဒေသရှိ တောင်သူများ အတွက်မူ ယခုနှစ် ယခုအချိန်သည် အခြားဒေသ များရှိ တောင်သူများထက် အရေးကြီး၏။ သူတို့အတွက် နာဂစ်မုန်တိုင်း ဒါဏ်ရာများ ကျက်စပြုနေ အချိန်၊ ပြီးခဲ့သော ဇူလိုင်လကုန်မှ စတင်၍ သုံးပွင့်ဆိုင် ဗဟိုအဖွဲ့ (TCG) အစပြုသော ကူညီပံ့ပိုးရေး အဖွဲ့အစည်း တော်တော်များများ ရပ်ဆိုင်းသွားခဲ့သော အချိန်၊ နာဂစ်မုန်တိုင်း လွန်ပြီးနောက်ပိုင်း ပထမဦးဆုံး သေသေချာချာ ပြန်လည် ပြုလုပ်နိုင်ခဲ့သော စပါး စိုက်ပျိုးရေးနှင့် ၎င်းမှ ရရှိလာမည့် အမြတ်အစွန်း စသည်ဖြင့် မျှော်လင့်ချက်တို့ ပြန်လည် နိုထစ ပြုလာသော အချိန်လည်း ဖြစ်သည်။ သို့သော် ရာသီဥတုက တောင်သူတို့အား မျက်နှာသာ မပေးခဲ့ပါ။ ဂီရိမုန်တိုင်း စတင် အားယူချိန်မှ စ၍ မကြာခဏ ဆိုသလို ရွာသွန်းနေသော မိုးသည် တောင်သူတို့၏ မျှော်လင့်ချက် တစ်စိတ်တစ်ပိုင်းအား ပျောက် ကွယ်စေခဲ့သည်။ အထူးသဖြင့် မိသားစု အင်အား နည်းပါး၍ လုပ်အား မလုံလောက်သော မိသားစုများ အနေဖြင့် ပို၍ ထိခိုက်ရသည်။

စပါးရိတ်သိမ်းသည့် ကာလတွင် မိုးရွာသွန်းမှုကြောင့် ဖြစ်ပေါ်လာသည့် ဆိုးကျိုးများနှင့် ပတ်သက်၍ လပွတ္တာမြို့နယ်ရှိ တောင်သူတစ်ဦး ဖြစ်သူ ဦးစိုးဝင်းမှ “ဒီအချိန်မှာ မိုးရွာတယ်ဆိုတော့ ပေါ်ဆန်း (သက်ကြီး) ပဲစိုက်စိုက်၊ ကောက်ကြီး (သက်လတ်စပါး) ပဲစိုက်စိုက်၊ သက်ငယ်ပဲစိုက်စိုက် အနည်းနဲ့ အများတော့ ထိခိုက်မှု ရှိတာပဲ။ ဦးလေးက ပေါ်ဆန်းတွေ စိုက်ထားတယ်။ စပါးတွေက မမှည့်သေးဘူး။ ဒါပေမယ့် မိုးများတော့ အပင်တွေ ကျိုးကုန်တယ်။ ဒါကြောင့် အဖျင်းအမှော်တွေ များလိမ့်မယ်။ အပင်တွေ ကျိုးကုန်တော့ လိုအပ်တဲ့ အာဟာရတွေ အသီးတွေဆီကို မရောက်နိုတော့ဘူး။ အနည်းဆုံး တစ်ဧကကို လေးငါးတင်းတော့ အထွက် နည်းမယ် ထင်တယ်။ သက်လတ်နဲ့ သက်ငယ် စိုက်တဲ့ လူတွေ ပိုဆိုးမယ်။ သူတို့က ကောက်ရိတ်တုန်း၊ ရိတ်ပြီးကာစဆိုရင် မိုးမစိုအောင် မလုပ်နိုင်ရင် အညှောင့် ထွက်ကုန်မှာပဲ။ အနည်းဆုံး တစ်ဧကကို ဆယ်တင်းလောက်တော့ အထိအခိုက် ရှိမယ် ထင်တာပဲ။” ဟု ပြောခဲ့သည်။ လပွတ္တာ ဒေသအတွင်း တစ်ဧက ပျမ်းမျှ စပါး အထွက်နှုန်းမှာ ၅၀ တင်းခန့်သာ ရှိသဖြင့် အခါမဟုတ် မိုးကြောင့် တောင်သူများ၏ ထိခိုက်မှုအား မှန်းဆ ကြည့်နိူင်မည် ထင်သည်။

ဖျက်လူ

လွန်ခဲ့သော ၆ လခန့်က ၂၀၁၀ ဇွန်လ၌ မိုးစပါးများ စတင် စိုက်ပျိုးမည့် အချိန်တွင် လပွတ္တာ ဒေသရှိ တောင်သူများ အတွက် မျိုးစပါးဝယ်ယူရန် အခက်အခဲများ ပေါ်ပေါက်ခဲ့သည်။ နာဂစ်လွန် ကာလ ၂၀၀၉ ခုနှစ် အတွင်း စိုက်ပျိုးခဲ့သည့် စပါးများ၏ အထွက်နှုန်းမှာ မျှော်မှန်းထားသလောက် မရရှိခဲ့ခြင်း၊ အခြား စားဝတ်နေရေး အခက်အခဲပေါင်း များစွာကို ဖြေရှင်းနေရခြင်းကြောင့် တောင်သူ လယ်သမား မိသားစုများအတွက် ၂၀၁၀ ခုနှစ် မိုးစပါး စိုက်ပျိုးရာသီတွင် မျိုးစေ့ ၀ယ်ယူရန် မတတ်နိုင်ပဲ ဖြစ်ခဲ့ရသည်။

၎င်းအခက်အခဲအား ဖြေရှင်းနိုင်ရန် ဌာနဆိုင်ရာများနှင့် အလှူရှင် အဖွဲ့အစည်းများ တတ်နိုင်သလောက် ၀ိုင်းဝန်း ပံ့ပိုးခဲ့ကြသည်။ ထိုကဲ့သို့သော အချိန်တွင် မြန်မာ့စီးပွားရေး ဦးပိုင်ကုမ္ပဏီလီမိတက် အပါအ၀င် ပုပ္ပလိက ကုမ္ပဏီများမှ တောင်သူများ၏ အခက်အခဲအား ၀ိုင်းဝန်းကူညီ ဖြေရှင်းရန်ဟုဆိုကာ တောင်သူများအား စိုက်စရိတ် ထုတ်ချေးခြင်း၊ မျိုးစေ့ ထုတ်ပေးခြင်းအား ရက်ရက်ရောရော ဆောင်ရွက်ခဲ့ကြသည်။ မြန်မာ့ စိုက်ပျိုးရေး လုပ်ငန်းမှ ပြောကြားချက်အရ ထိုကဲ့သို့သော ကုမ္ပဏီ (၁၀) ခုခန့် ဧရာဝတီတိုင်းအတွင်း လုပ်ငန်း ဆောင်ရွက်နေကြောင်း သိရသည်။ ဦးပိုင်လီမိတက် အနေဖြင့် တစ်ဧကလျှင် စိုက်စရိတ် ၅ သောင်းအား အတိုးငွေ ၂ ကျပ် နှုန်းဖြင့် မည်သူမဆို ချေးယူနိုင်ကြောင်း၊ စပါး ပေါ်ပါက ဒေသပေါက်ဈေးနှင့် တွက်ချက်ကာ စပါးအား ပြန်လည် ပေးဆပ်ရမည် ဖြစ်ကြောင်း စသည်ဖြင့် ကျေးရွာ ဥက္ကဌများမှ တဆင့် ဆော်သြကာ အချို့ နေရာများတွင် တောင်သူများအား ခေါ်ယူ ပေးအပ်သည် အထိပင် ပြုလုပ်ခဲ့ကြသည်။ ထို့နောက် ကျေးရွာ ရယက ဥက္ကဌများအား သက်သေပြုကာ ငွေချေးယူမှု စာချုပ်များအား ချုပ်ဆိုခဲ့ကြသည်။ သို့သော် စာချုပ်မိတ္တူများအား ငွေချေးယူသူ တောင်သူများအားလည်းကောင်း၊ ကျေးရွာ ဥက္ကဌများအားလည်းကောင်း ပေးအပ်ခဲ့ခြင်း မရှိခဲ့ပေ။

စပါးပေါ် ချိန်ကာလ ဖြစ်သည့် ယခုအချိန်တွင် အခါမဟုတ်သည့် မိုးနှင့်အတူ ကျေးရွာသားများထံ ရောက် ရှိလာသည်မှာ ဦးပိုင်လီမိတက်မှ ကိုယ်စားလှယ်များ ဖြစ်သည်။ တောင်သူများ အနေဖြင့် အခါမဲ့ မိုးဒါဏ်ကို ခံစားနေရချိန်တွင် မဖိတ်ခေါ်ပဲ ရောက်ရှိလာသော ဧည့်သည်ဖြစ်သော်လည်း မိမိတို့၏ စာချုပ် ကတိအရ ချေးငွေကို စပါးဖြင့် ပေးဆပ်နိုင်ရန် ကြိုးပမ်း ကြရသည်။ ပြဿနာက ထိုအချိန်တွင် ပေါ်လာသည်။ တောင်သူများ ငွေချေး စာချုပ် ချုပ်ဆိုစဉ်က စပါးဖြင့် ချေးငွေကို ပြန်လည် ပေးဆပ်ရာတွင် ဒေသပေါက်ဈေးဖြင့် ပေးချေရန်ဟူ၍ သဘော တူညီထားရှိသော်လည်း ဦးပိုင်မှ ကိုယ်စားလှယ်များမှ တင်း (၁၀၀) လျှင် (၃၈၀,၀၀၀) ကျပ် သတ်မှတ်ကြောင်း၊ မြို့အရောက် သယ်ယူ စရိတ်ကို တောင်သူများမှ ပေးချေရမည် ဖြစ်ကြောင်း ပြောဆိုလာသည်။ လက်ရှိ ကာလ လပွတ္တာမြို့ရှိ စပါး တင်း (၁၀၀) ပေါက်ဈေးမှာ (၄၀၀,၀၀၀) ကျပ်မှ (၄၂၀,၀၀၀) အထိဖြစ်သည်။ စပါးတင်း (၁၀၀) သယ်ယူရန် အတွက် အရပ်အခေါ် ဒိန်းဒေါင်း (ထော်လာဂျီ) တခေါက် ငှားခမှာ ပျမ်းမျှအားဖြင့် (၁၅,၀၀၀) ကျပ်မှ (၂၀,၀၀၀) ကျပ် အထိဖြစ်သည်။ သို့ဖြစ်၍ ဦးပိုင်သို့ ချေးငွေကို စပါးဖြင့် ပေးဆပ်ရန်မှာ တောင်သူများအတွက် တင်း (၁၀၀) ပေးရတိုင်း ပေးရတိုင်း (၅၀,၀၀၀) ကျပ်မှ (၆၀,၀၀၀) ကျပ်အထိ အရှုံးပေါ်မည့် သဘော ဖြစ်နေသည်။ ထို့အပြင် ပုံမှန် စံနှုန်းအားဖြင့် (၁) တင်းသည် (၄၆) ပေါင် ဖြစ်သော်လည်း အဖျင်းအမှော်နှင့် ရေစိုနေမှုအတွက်ဟုဆိုကာ မည်သည့် စပါးကိုမဆို ဦးပိုင်က (၁) တင်းကို ပေါင် (၅၀) ဖြင့် သတ်မှတ်၍ ပေါင်နှုန်းဖြင့် ၀ယ်ယူသည်။ တောင်သူများ အတွက် တင်း (၁၀၀) ပေးရတိုင်း (၈) တင်းခွဲခန့် ပိုပေးရမည့် သဘော ဖြစ်သည်။ အတိုးနှုန်း ၂ ကျပ် တိုးအား မက်မော၍ ငွေချေးလိုက်မိကာမှ ခေတ်သစ် ချစ်တီးနှင့် တွေ့ကြရသည်။

ဥပမာအားဖြင့် လပွတ္တာမြို့ မြောက်ဘက်ရှိ ကျေးရွာ တစ်ခုမှ တောင်သူ ဦးခွေးလေး၏ ဖြစ်စဉ်အား လေ့လာကြည့်ရာ သူသည် လယ် (၁၀) ဧက ပိုင်ဆိုင်သဖြင့် ချေးငွေ (၅) သိန်း ချေးခဲ့မိသည်။ ယခု ပြန်ဆပ်ရမည့် ချေးငွေအား စပါးတင်းဖြင့် တွက်ချက်ကြည့်ရာ ၅၀၀,၀၀၀/၃,၈၀၀ = (၁၃၂) တင်းဖြစ်သည်။ တင်း (၁၀၀) လျှင် ၈ တင်းခွဲခန့် ပိုပေးရမည် ဖြစ်သောကြောင့် (၁၃၂) တင်းတွင် (၁၂) တင်းခန့် ပိုပေးရမည် ဖြစ်သည်။ သို့ဖြစ်၍ စုစုပေါင်း ပေးဆပ်ရသည့် စပါးတင်းပေါင်းမှာ (၁၄၄) တင်းဖြစ်သည်။ (၁၄၄)တင်း၏ လပွတ္တာမြို့ပေါ် ပေါက်ဈေး မှာ ၁၄၄ x ၄၁၀၀ = (၅၉၀,၄၀၀) ကျပ် ဖြစ်သဖြင့် ခြားနားချက် (၉၀,၄၀၀) ကျပ်ဖြစ်သည်။ ငွေချေးခဲ့သည့် ကာလ (၄) လ ဖြစ်သည့်အတွက် (၁) လအတွက် ပေးရငွေ (၂၂၆၀၀) ကျပ် ဖြစ်သည်။ စာချုပ်ပါ လစဉ်ပုံမှန် အတိုးငွေမှာ ၂ ကျပ်တိုး ဖြစ်သောကြောင့် တစ်လလျှင် (၁၀,၀၀၀) ကျပ် ကျသင့်ကာ တစ်လအတွက် စုစုပေါင်း ပေးရငွေပေါင်းအား တွက်ချက်ပါက ၃၂,၆၀၀ ကျပ် ဖြစ်သည်။ ဦးပိုင်လိမီတက်မှ ၂ ကျပ်တိုးဖြင့် ချေးငွေ ထုတ်ပေးသည်ဟုဆိုကာ စေတနာရှိ သယောင်ယောင် ချေးငွေ ထုတ်ပေးကာ နံမည်ယူခဲ့သော်လည်း အမှန်တစ်ကယ်အားဖြင့် အတိုးနှုန်းမှာ ၆ ကျပ် သာသာ ဖြစ်နေသည်။ မြန်မာ့ချေးငွေ လုပ်ငန်းမှ သတ်မှတ်ထားသည့် နှုန်းထက် ၂ ဆ ကျော်နေသည်။ တောင်သူ ဦးခွေးလေးက “နားလှည့် ပါးရိုက် ခံလိုက်ရ သလိုပဲ။ အပေါ်ကို ဆွဲတင် မလိုလိုနဲ့ ပစ်ချတာပဲ။ ငါက ချေးထားတာ နည်းတော့ တော်သေးတယ်။ အချို့ဆို ၁၀ သိန်း၊ သိန်း ၂၀ ချေးထားတာ။ အဲဒီလူတွေတော့ ခုထက်ထိ စပါး မပေးကြသေးဘူး။” ဟု ပြောခဲ့သည်။

လပွတ္တာမြို့နယ် အတွင်းရှိ ကျေးရွာ အများအပြားတွင် အထက်ပါကဲ့သို့ ဖြစ်ရပ်များ ပေါ်ပေါက်နေ၍ တောင်သူများနှင့် ဦးပိုင်လီမိတက် အကြား တင်းမာမှုများ ပေါ်ပေါက်နေကြောင်း သိရသည်။ ကျေးရွာအုပ်စု ဥက္ကဌတစ်ဦးမှ “ဟိုရက်ပိုင်းက မ.ယ.ကမှာ အစည်းအဝေးခေါ်ပြီး ညှိတာတွေရှိတယ်။ ဒါပေမယ့် မ.ယ.ကလည်း ဈေးနှုန်းကို မသတ်မှတ်ပေးနိုင်ဘူး။ တောင်သူတွေက စပါး (၂) တင်းအတွက် ပေါင် (၁၀၀) ပေးရတာကိုတော့ သဘောတူကြတယ်။ ဦးပိုင်က စာချုပ်ထဲမှာ တစ်မျိုး၊ အပြင်မှာ တစ်မျိုးလုပ်နေတာ အားလုံး သိတယ်။ ဒါပေမယ့် သူတို့က ရန်ကုန် ဆန်ကုန်သည်ကြီးများ အသင်းက သတ်မှတ်တဲ့ ဈေးလို့ ပြောနေတော့ ဌာနဆိုင်ရာတွေကလည်း ဘယ်သူမှ ပြတ်ပြတ်သားသား ပြန်မပြောရဲကြဘူး။ ကျွန်တော့်ရွာက ချေးငွေများတဲ့ တောင်သူတွေကတော့ ပြန်မပေးသေးဘူး။ စပါးဈေး ပြတ်ပြတ်သားသား ဖြစ်တဲ့အထိ စောင့်မယ်ပြောတယ်။ နောက်နေ့မှာလည်း ရွာထဲမှာ ဦးပိုင်နဲ့ တောင်သူတွေကြား ညှိဖို့ အစည်းအဝေး ပြန်ခေါ်ထားတယ်။ အခုဟာက ပေါ်တင်ကြီး စာချုပ် ဖောက်ဖျက်တာဆိုတော့ ကျွန်တော်တို့ကတော့ ကုမ္ပဏီဘက်က မလိုက်နိုင်ဘူး။” ဟု ပြောသည်။

အထက်ပါ ဖြစ်ရပ်များအား လေ့လာ ကြည့်ပါက ဖျက်မိုးဆိုသည်မှာ ကျွန်တော့်တို့ မတွန်းလှန်နိုင်သော အရာ၊ ဘယ်လိုမှ မတတ်နိုင်သော သဘာဝ တရားဖြစ်သည်။ တရားဖြင့် ဖြေနိူင်သည်။ ကံကို ပုံချနိုင်သည်။ သို့သော် ဖျက်လူမှာကား ကျွန်တော်တို့ လူသားများနှင့် ဖွဲ့စည်းထားသော အဖွဲ့အစည်းတခုသာ ဖြစ်သည်။ စီးပွားရေးလုပ်ငန်းတွေ တောင်လို ပုံနေသော၊ စစ်အာဏာရှင်များ၏ မိသားစု စီးပွားရေး အတွက် ဖွဲ့စည်းထားသော အဖွဲ့အစည်း တစ်ခုဖြစ်သည်။ ယင်းအဖွဲ့အစည်းက ကျွန်တော်တို့၏ ထမင်းရှင် ဖြစ်သော အားနည်းသူ တောင်သူမိသားစု လူတန်းစားများ ပေါ်တွင် ပေါ်ပေါ်ထင်ထင် ဗိုလ်ကျ အနိုင်ကျင့် နေသည်ကို မြင်သည့်အခါ ရင်ထဲတွင် မခံချင် စိတ်များ ဖြစ်ရသည်။ အခြား ဖြစ်ရပ်များစွာ ရှိမည်။ သို့သော် ယခုဖြစ်ရပ်ကို အနီးကပ် လက်တွေ့ မြင်တွေ့ နေရသည့် ကျွန်တော်မှာ တားဆီးနိုင်သည့် အင်အား မရှိသည့်အတွက် ပိုမို ခံစားရသည်။ နောက်ဆုံးတွင် မိမိကြုံတွေ့ရသည့် ဖြစ်ရပ်ကို အခြားသူများအား သိရှိစေခြင်းဖြင့် တစ်စုံတစ်ရာ အဖြေပေါ် ပေါက်လာရန် မျှော်လင့်မိသည်။ ဤ post အား ဖတ်ရှုမိသူများ အနေဖြင့် လက်တလော ပေါ်ပေါက်နေသည့် တောင်သူများနှင့် ဦးပိုင်လီမိတက် အကြားမှ ပြဿနာကို ဖြေရှင်းရန် နည်းလမ်းများ ရှိပါက အကြံပြုရန်၊ ကိုယ်တိုင် ဖြေရှင်းပေးနိုင်သည့် အနေအထားတွင် ရှိပါက ဖြေရှင်းပေးပါရန် မေတ္တာရပ်ခံအပ်ပါသည်။  အီမေလ်သို့ပေးပို့လာချင်းကိုဖော်ပြပါသည်.......