မြန်မာလူမျိုး စေတနာ့ ဝန်ထမ်းများရဲ့ လုပ်အားပေးအလှူ
နိုဝင်ဘာလ၁၃ရက်နေ့က ဂျပန်နိုင်ငံရောက် မြန်မာနိုင်ငံသား၂၈ဦးမှ ဆူနာမီ ငလျင်ဘေးသင့်ရာ ဒေသတွင် အကြီးမားဆုံး ပျက်စီးဆုံးရှုံးခဲ့သည့် Miyagiခရိုင်၊ Yamaguchiမြို့သို့ သွားရောက် လုပ်အားပေးခဲ့ကြပါတယ်..။ ၁၂ရက်နေ့ စနေနေ့ ည၁၂နာရီ၃၅မိနစ်တွင် စုရပ်ရှိရာ တကာနားဒိုဘာဘာမှ ခရီးစတင် ထွက်ခဲ့ကြပါတယ်..။ 
အပြည်ပြည်ဆိုင်ရာ သာသနာ့ဥသျှောင် မြန်မာရဟန်းတော်များ အဖွဲ့ချုပ်-ဂျပန်ဌာနခွဲ တာဝန်ခံ ဆုဂါမိုဆရာတော် ဦးဓမ္မဇောတိ အပါအဝင် စေတနာ့ ပရိတ မြန်မာဒီမိုကရေစီအရေး လှုပ်ရှားသူ (၂၈)ဦးမှ Miyagi Kan yamaguchi မြို့သို့ တရက်တာ ငလျင်ခိုလှုံရေးစခန်းမှာ သန့်ရှင်ရေးလုပ်အား ကုသိုလ်ပြုခဲ့ကြတာဖြစ်ပါတယ်..။ အပြည်ပြည်ဆိုင်ရာ သာသနာ့ဥသျှောင် မြန်မာရဟန်းတော်များ အဖွဲ့ချုပ်-ဂျပန်ဌာနခွဲ တာဝန်ခံ ဆုဂါမိုဆရာတော် ဦးဓမ္မဇောတိမှ ငလျင်ဒေသတွင်း ဆုံးရှုံးသွားသော မိသားစုများနှင့် လုပ်အားပေး လိုက်ပါလာကြသော မြန်မာလူမျိုးများအား ဗုဒ္ဓဘာသာ ထုံးစံနဲ့အညီ သြဝါဒကထာငါးပါး သီလပေးပြီး မေတ္တာဘာဝနာ တရားတော်ချီးမြှင့် ဟောကြားတော်မူကာ ဆူနာမိရေလှိုင်း ဒဏ်ကြောင့် သေဆုံးသွားခဲ့ရသော (၇)ရက်သားသမီးများအား အမျှပေးဝေ ခဲ့ကြပါတယ်...။
ထို့နောက် ဆူနာမိကြောင့် စက်ရုံ၊ အလုပ်ရုံဝန်းကျင်များ မှာ ကျန်ရှိနေတဲ့ ရွံ့နွံများအား သန့်ရှင်းရေး ပြုလုပ်ပေးခဲ့ကြပါတယ်။ တက်ညီလက်ညီနဲ့ မြန်မြန်ဆန်ဆန် သေသေသပ်သပ် ပြုလုပ်ခဲ့ကြတဲ့ အတွက် သက်ဆိုင်ရာ ဒေသခံ ဂျပန်များမှ နှစ်ခြိုက်ခဲ့ကြပြီး ကျေးဇူးတင်ရှိကြောင်း ပြောကြားခဲ့ပါတယ်..။
ဗွီဒီယိုကို အောက် ပါ လင့်ခ်များတွင်မကြာမှီ ရယူနိုင်ပါပြီ။
ဗွီဒီယို၊ သတင်း၊ ဓာတ်ပုံ.. ကိုဌေးသစ်၊ ကိုထွန်းဝေ၊အစ်ကိုဒီမိုဝေယံ
No comments:
Post a Comment