တန်သုံးထောင်ကျော်ရှိခဲ့တဲ့ ကမ္ဘာ့အကြီးမားဆုံး ကျောက်စိမ်းရိုင်းတုံးကိုလည်း ဖားကန့်မှာဘဲ ၂၀၀၀ ခုနှစ်တုန်းက တူးဖေါ်ရရှိခဲ့တာပါ။ ဒီလို တန်ဖိုးမဖြတ်နိုင်တဲ့ ကျောက်စိမ်းနဲ့  အခြားသောကျောက်မျက်ရတနာတွေ ထွက်ရှိနေတဲ့ ကချင်ပြည်နယ် ဖားကန့် ဒေသမှာ ကျောက်မျက်တွင်းတူးလုပ်ငန်းတွေလုပ်ဖို့ ဆိုပြီး နအဖ ခေါင်းဆောင်ကြီး သန်းရွှေက မက်မြန်မာကုမ္ပဏီပိုင်ရှင် ဇော်ဇော်ကို ခွင့်ပြုထားပါတယ်။ သန်းရွှေဟာ သူ့ အကျိုးစီးပွားအတွက် ဇော်ဇော်ကို အခွင့်ထူးကြီးပေးထားသလို ဒီအခွင့်ထူးကြီးရတဲ့အတွက် ဇော်ဇော်ကလည်း တေဇနည်းတူ သန်းရွှေအတွက် လိုလေသေးမရှိ ပြန်လည် အကျိုးပြုပေးနေပါတယ်။
ကချင်ပြည်နယ် ဖားကန့် ဒေသက မြန်မာပြည်ရဲ့  တန်ဖိုးရှိလှတဲ့ ကျောက်စိမ်းတွေနဲ့  တွင်းထွက်ရတနာပစ္စည်းတွေ တူးဖော်ရောင်းချလို့ ရလာတဲ့ သိန်းပေါင်းသန်းပေါင်းများစွာသော ငွေတွေဟာ တိုင်းသူပြည်သားတွေအတွက် ကျန်းမာရေး ပညာရေး လူမှုဖူလုံရေးအစရှိတဲ့ အကျိုးစီးပွားတွေမှာ အသုံးချဖို့  သုံးစွဲတာမျိုး မရှိဘဲ သန်းရွှေရဲ့ မိသားစု ချမ်းသာဖို့ ၊ နအဖဗိုလ်ချူပ်ကြီး ကြွယ်ဝဖို့ အတွက် မက်မြန်မာကုမ္ပဏီပိုင်ရှင် ဇော်ဇော်က လုပ်ပေးနေတဲ့အပြင် မက်ဇော်ဇော်ရဲ့  ကုမ္ပဏီတိုးတက်ကြီးပွားဖို့ အတွက်သာ အသုံးပြုနေတာ ဖြစ်ပါတယ်။ တိုင်းပြည်ပိုင် ပြည်သူလူထုပိုင် မြန်မာနိုင်ငံရဲ့  သဘာဝတွင်းထွက်ရတနာတွေဟာ ကိုယ်ကျိုးစီးပွားရှိနေသူ အာဏာရူးမက်မောနေသူတွေအတွက်သာ ဖြစ်နေပါတော့တယ်။
(မက်မြန်မာကုမ္ပဏီကနေ ကချင်ပြည်နယ် ဖားကန့် ဒေသကို သန်းရွှေရဲ့  ခွင့်ပြုချက်ဖြင့် နေရာအပိုင်စီးထားပြီး ကျောက်မျက်ရတနာ တူးဖေါ်ရေးလုပ်ငန်းတွေကနေ ရရှိလာတဲ့ မြန်မာနိုင်ငံရဲ့  ကျောက်စိမ်းတုံးများပုံ)။
နအဖသန်းရွှေကတောင် ဒီ မက်မြန်မာပိုင်ရှင် ဇော်ဇော်ကို သီရိပျံချီဘွဲ့ တံဆိပ်တွေ ချီူမြှင့်မြောက်စားတဲ့အထိ နေရာပေးတာကို ကြည့်ရင် မက်မြန်မာကုမ္ပဏီရဲ့  ကျောက်မျက်ရတနာတွေကနေ ငွေတွေအမြောက်အများဟာ သန်းရွှေအတွက် အတော့်ကို ရရှိအကျိုးဖြစ်ထွန်းနေလို့ ဆိုတာ သက်သေပါဘဲ။ ဒီ သီရိပျံချီဘွဲ့ နဲ့  လုံးလုံးလျားလျားမှ မထိုက်တန်တဲ့ ကိုယ်ကျိုးစီးပွားလောဘသမား ဇော်ဇော်လို လူမျိုးကိုမှ ပေးခြင်းဟာ အာဏာရူးနဲ့  စီးပွားရူး အရူးအချင်းချင်း တစ်ဦးကို တစ်ဦးဘုံမြှောက်ခြင်းသာ ဖြစ်ပါတယ်။
သန်းရွှေဟာ မက်ဇော်ဇော်ကို စီးပွားရေးပိုင်းဆိုင်ရာတွေဖြစ်တဲ့ ဟိုတယ်လုပ်ငန်းတွေ၊ စက်ပစ္စည်းတင်သွင်းခြင်းလုပ်ငန်းတွေ၊ ရော်ဘာလုပ်ငန်းတွေ၊ ဘိလပ်မြေလုပ်ငန်းတွေ၊ လမ်းအခွန်ကောက်ခံရေးလုပ်ငန်းတွေ၊ ဆောက်လုပ်ရေး (နေပြည်တော်က သန်းရွှေရဲ့ အဆောက်အဦးတွေ) နဲ့  ကျောက်စိမ်းတူးဖော်ရေးလုပ်ငန်းတွေမှာ အခွင့်အရေးတွေ ပေးထားရုံမက အခြားသော အထူးအခွင့်အရေးများလည်း ပေးထားပါတယ်။ ဘောလုံးရူးရူးနေတဲ့ သန်းရွှေရဲ့  မြေး နေရွှေသွေးအောင် စိတ်ကြိုက်လုပ်ပေးနိုင်ဖို့ အတွက်လည်း ဘောလုံးအသင်းတွေ တည်ထောင်ပြီး မြန်မာနိုင်ငံဘောလုံးအဖွဲ့ ချူပ် ဥက္ကဌတာဝန်ကိုလည်း မက်ဇော်ဇော်က ရရှိထားပါတယ်။
(တိုင်းပြည်ပိုင် သယံဇာတတွေကို ရောင်းစားပြီး ကြီးပွားချမ်းသာ စည်းစိမ်ကျနေတဲ့ မက်ကုမ္ပဏီ ဇော်ဇော်ရဲ့ ကိုယ်ကျိုးအတ္တလုပ်ငန်းများ)။
မြန်မာပြည် ရေမြေတောတောင်သဘာဝက ထွက်တဲ့ သယံဇာတတွေကို နအဖသန်းရွှေနဲ့  ဗိုလ်ချူပ်ကြီးတွေက လက်ဝါးကြီးအုပ်ထားကြ၊သူနဲ့  ကိုယ်ကျိုးရှာအတ္တာသမား စီးပွားရေးသမားကြီးတွေက လုပ်ငန်းတွေ နေရာဒေသတွေကို အပိုင်စီးထားကြနဲ့  ဒီကျောက်မျက်ရတနာတွေကို အပြောက်ရိုက်ပြီး ရောင်းစားချ ရလာတဲ့ငွေတွေနဲ့  စည်းစိမ်ခံစားကြ ကြွယ်ဝခမ်းသာအောင်လုပ်ကြ စီးပွားရေးတွေ တိုးချဲ့ ကြနဲ့  မြန်မာနိုင်ငံရဲ့  တိုင်းပြည်ပိုင် ပြည်သူပိုင် သယံဇာတတွေကတော့ နောက်ဆုံး သန်းရွှေ တေဇ ဇော်ဇော် အစရှိတဲ့ အာဏာရူးတွေ စီးပွားရေးအတ္တသမား ကိုယ်ကျိုးစီးပွားရှာသူတွေလက်ထဲမှာသာ ရောက်ရှိနေပါတော့တယ်။
ကိုနစ်အားကျေးဇူးတင်ပါသည်။
No comments:
Post a Comment