ကမ္ဘာ့ဘော်လုံးအဖွဲ့ ချုပ်ရဲ့ ထိပ်ဆုံးပုဂ္ဂိုလ် ကိုယ်တိုင် မြန်မာနိုင်ငံကို အလည်အပတ် ရောက်ရှိလာတာ ဒါဟာ ပထမဆုံးအကြိမ် ဖြစ်နေလို့ပါဘဲ။ ဒီခရီးစဉ်ရဲ့နောက်ကွယ်မှာ ဘာတွေဘယ်လို ရှိနိုင်သလဲ လို့အားလုံးက စိတ်ဝင်တစား ဖြစ်နေကြပါတယ်။ ဦးခင်မောင်ထွေး ( ပျဉ်းမနား )ရဲ့ ရိသဲ့သဲ့ဆော်တော်တော် ဆောင်းပါးတွေကိုလည်း ဆရာ မြန်မာ့ဘော်လုံး စည်းကမ်း ထိန်းသိမ်းရေးကော်မတီ ခေါင်းဆောင် ဖြစ်ပြီးကတည်းက မဖတ်ရတော့တာမို့ ဆပ်ဘလတ်တာကြီးနဲ့ ပက်သက်ပြီး ဆရာ ဝေဖန်မယ့် ဆောင်ပါးမျိုးကို ကျွန်တော်တို့  ဖတ်ခွင့် ရတော့မယ် မထင်ပါဘူး။ တချိန်တုန်းက GOAL ပရောဂျက် ကို ဆရာ ဝေဖန်ခဲ့တာနဲ့ အခု သူရောက်လာမယ့် အချိန်နဲ့က ကွက်တိဒက်ထိ ဖြစ်နေလို့ လွမ်းမိပါသေးတယ်။ တိုက်ဆိုင်တယ် ဆိုမလားဘဲ။ ဒီကနေ့ နေပြည်တော်က ကျောက်မျက်ခန်းမသစ်ကြီး ဖွင့်ပွဲမှာ ဦးအောင်ကိုဝင်း၊ ဦးတေဇ တို့ကို တွေ့ လိုက်ရပေမယ့် မြန်မာ့ဘော်လုံးအဖွဲ့ ချုပ်ဥက္ကဌ ဦးဇော်ဇော်ကို မတွေ့ ရတာ နည်းနည်းတော့ ဆန်း နေသလားလို့  တွေးမိပါတယ်။
ကျောက်မျက်တူးဖော်ရေး လုပ်ကွက်တွေ ချ ပေးပြီး ဘော်လုံးအသင်းတွေ ထူထောင်ခိုင်း တယ်လို့ တင်းတွေ ထွက်ပေါ်နေတော့ Max ဇော်ဇော် ကို တမင်များ ချန်ထားသလား လို့စဉ်းစားမိတာပါ။ စီးပွားရေးသမားကြီးတစ်ယောက်ကတော့ “ ဘော်လုံးကလပ်တွေ ကိစ္စက နိုင်ငံရေးကို စိတ်မပါကြအောင် လှည့်တာ... ” ပြောတော့ လက်မခံချင်ပေမယ့် အာဆီယံအဆင့်မှာ မြန်မာ့အမျိုးသား ဘော်လုံးအသင်းရဲ့  ရလဒ်က ( ဗီယက်နမ် ၇- ၀ မြန်မာ ) အဆိုရွားဆုံးစံချိန်တင်ခဲ့တာမို့  မချိတင်ကဲ လက်ခံခဲ့ရပါတယ်။
ဘလတ်ကြီး... မနက်ဖြန် သုဝဏ္ဏကွင်းက လန်ဒန်အိုလံပစ် ခြေစစ်ပွဲ ကြည့်ပါလိမ့်မယ်။ ဘလတ်တာကြီး... မန္တလေးမှာ ဖီဖာရန်ပုံငွေနဲ့ ဆောက်လုပ်ထားတဲ့ ဘော်လုံးသင်တန်းကျောင်း ဖွင့်ပွဲကို တက်ရောက် ချီးမြှင့်ပါလိမ့်မယ်။ ဘလတ်တာကြီး... MNL ကလပ်သင်းတွေနဲ့ အမျိုးသားဘော်လုံးအသင်း တိုးတက်ဖို့ အရေးတွေကို အကြံဥာဏ်ကောင်းများ ပြောပါလိမ့်မယ်။ မာရာဒိုနာကို ဘလတ်တာကြီးက ဘယ်တော့မှ အကောင်း မပြောခဲ့ပေမယ့် ( သူ သဘောတွေ့တာက ပီလီ ) အခုတော့ သူဟာ မာရာဒိုနာလမ်းကို တထပ်တည်း လိုက်နေသလို ဖြစ်နေပါတယ်။ နိုင်ငံတကာက ပစ်ပယ်ဝိုင်းကျဉ်ခံထားရတဲ့ တိုင်းပြည် ခေါင်းဆောင်တွေကို မာရာဒိုနာတစ်ယောက် လိုက်လိုက်တွေ့ပြီး ကမ္ဘာ့ဘော်လုံးလောက ပူညံပူညံ ဖြစ်ကုန်တာကို ဆွိစ် နိုင်ငံသားကြီး အရသာရှိမှန်း သိလာပုံရပါတယ်။
နေပြည်တော်မှာ ဘယ်သူနဲ့ တွေ့မလဲ ဆိုတာ စောင့်ကြည့်နေကြပြီး အကျိုးအမြတ်ကတော့ နှစ်ဘက်စလုံး ထွက်မှာ သေချာနေပါတယ်။ ကျောက်မျက်ပွဲကြီးမှာ ခင်းကျင်းပြသထားတဲ့ စိမ်းရည်လဲ့လဲ့ ကျောက်တုံးတွေက သွားရည်ယိုစရာ သိပ်ကောင်းပါတယ်။ မြန်မာပြည်မှာ နှစ်ရက်နေပြီး FIFA ဥက္ကဌကြီး ပြန်ပါလိမ့်မယ်။ မြန်မာ့ဘော်လုံးဝါသနာရှင်တွေ ဘာရခဲ့ပြီး ဘာပေး လိုက်ရပါသလဲ။ ပေးချင် ပေးလိုက်ရပါစေ... ကျွန်တော်တို့  တစ်ခုခု ရ ချင်ပါတယ်...။
အောင်မျိုးထွန်း
၈- ၃- ၂၀၁၁
ကိုအောင်မျိုးထွန်းအား ကျေးဇူးတင်ပါသည်...။
No comments:
Post a Comment