Sunday, April 3, 2011

ငါ့ဆိုင်းဘုတ်ကြီးထောင်မယ်၊ ကားလမ်းပေါ်ဆင်းလျှောက်ကြ..


ငါ့ဆိုင်းဘုတ် ငါထောင် ကြပ်ပြေးရောက်ရောက်...
မြန်မာပြည်မှာတော့ မဟုတ်ဘူး။ ဂျပန်မှာ ပြောပါတယ်။ ဘတ်စ်ကားမှတ်တိုင်တစ်ခုကို ခပ်လှမ်းလှမ်း ကိုက်တစ်ရာလောက်ကို ရွှေ့ချင်ရင်တောင် အစည်းအဝေးတွေထိုင်၊ အခြေအတင် ငြင်းခုန်နဲ့ ခရီးသည်တွေအတွက် အဆင်ပြေ မပြေကို အတော်လေးထည့်စဉ်းစားပြီးမှ ဆုံးဖြတ်ကြတယ်လို့ ကြားဖူးပါတယ်။ ပြည်သူလူထုရဲ့ သွားရေးလာရေး၊ အခြေခံစားဝတ်နေရေးတွေမှာ အတတ်နိုင်ဆုံး သက်သာ ချောမွေ့စေရေးဟာ အစိုးရတစ်ရပ်ရဲ့ အဓိက ပစ်မှတ်ထား လုပ်ဆောင်ရမယ့် နိုင်ငံရေးလို့ သဘောထားကြပါတယ်။

ရေပေါ်ဆီ လူချမ်းသာတွေနဲ့ အာဏာရမိသားစုတွေရဲ့ စိတ်အလိုရှိသမျှကို လိုက်ပြီး ဖြည့်ဆည်းပေးနေတဲ့ အစိုးရမျိုးဆိုတာ လူထုရဲ့ ထောက်ခံမှုကို ဘယ်တော့မှမရဘဲ အဆုံးတစ်နေ့မှာ မရှုမလှ ကျဆုံးသွားကြတာဘဲ မဟုတ်လား။ တခါတရံ လုပ်ငန်းရှင်ကြီးတွေနဲ့ လုပ်ပိုင်ခွင့် တစ်ခုခုရထားတဲ့ စီးပွားရေးသမားကြီးတွေရဲ့ ရမက်လောဘဟာ အခြေခံပြည်သူလူထုရဲ့ ရပိုင်ခွင့်နဲ့ လွတ်လပ်မှုကို နိုင့်ထက်စီးနင်းပြုပြီး မထေမဲ့မြင် စော်ကားလာတဲ့မြင်ကွင်းမျိုးတွေကို ကျွန်တော်တို့ မြန်မာပြည်ကြီးမှာ ရှောင်လို့ မရလောက်အောင် တွေ့လာရပါတယ်။

ဒါမျိုးပုံစံတွေနဲ့ တိုးတက် သာယာဝပြောသော ပြည်ထောင်စုမြန်မာနိုင်ငံကို ဘယ်လိုထုဆစ် ပုံဖော်ကြမလဲ။ ပြောသင့်တာတော့ ပြောရပါဦးမယ်။ ကျွန်တော်တို့ လမ်းထဲမှာရှိတဲ့ နှစ်လေးဆယ်မက ကြာခဲ့တဲ့ လမ်းဘေး ဓာတ်တိုင်တစ်တိုင်ဟာ လွန်ခဲ့တဲ့ တစ်နှစ်လောက်က ငါးပေလောက် နေရာရွေ့သွားဖူးပါတယ်။ အဲဒီ ဓာတ်တိုင်နောက်က လုံးချင်းအိမ်ကို ၂ ခန်းတွဲ ၁၄ ခန်း ကန်ထရိုက်တိုက် ဆောက်ပါတယ်။ မြေညီထပ်ခေါင်းရင်းခန်းရဲ့ အိမ်ပေါက်ဝရှေ့ တည့်တည့်မှာ အဲဒီဓာတ်တိုင်ရှိနေပြီး ဈေးကောင်းရဖို့ အခက်တွေ့နေလို့ ဆောက်လုပ်ရေးလုပ်ငန်းရှင်ရဲ့ စွမ်းပကားနဲ့ ဓာတ်တိုင်ခမျာ လမ်းထောင့်ကို ရောက်သွားခဲ့ပါတယ်။ ဒီကိစ္စဟာ ရပ်ကွက်သူ ရပ်ကွက်သားတွေရဲ့ အကျိုးစီးပွားနဲ့ အခွင့်အရေးကို မထိခိုက်လို့ ပြောစရာမလိုပေမယ့် တစုံတယောက်ရဲ့ ကိုယ်ကျိုးစီးပွားအတွက် အစိုးရနဲ့ သက်ဆိုင်တဲ့ အရာတစ်ခုဟာ အလွယ်တကူ နေရာ ပြောင်းပေးလိုက်ရတဲ့ ကိစ္စမျိုးတွေ ဒီတိုင်းပြည်မှာ ရှိနေတယ်ဆိုတာ လက်ခံရပါမယ်။

အခု ကျွန်တော်ပြောမှာက လူအများကြီး ဒုက္ခရောက်၊ အခက်အခဲတွေ့၊ အသက်အန္တရာယ်နဲ့  နီးရလောက်တဲ့ အခြေအနေဆီ တွန်းပို့လိုက်တဲ့ စီပွားရေးသမားလုပ်ငန်းရှင်ရဲ့ စက်ဆုတ်ဖွယ်ကောင်းတဲ့ လောဘနဲ့ဒါကို ခွင့်ပြုခဲ့တဲ့ အာဏာပိုင်တွေ အကြောင်းပါ။ မြေနီကုန်းမီးပွိုင့်ဆိုတာ ရန်ကုန်မြို့ရဲ့ လူသွားလူလာ အရှုပ်ဆုံးနေရာတစ်ခုပါ။ ဗားကရာလမ်းနဲ့ ပြည်လမ်းထောင့်၊ ပဒုမ္မာပန်းခြံလေးရဲ့ အရှေ့ ဗားကရာလမ်းဘက် ထိပ်လေးမှာ ကြော်ငြာဗီနိုင်း ဆိုင်းဘုတ်ကြီး တစ်ခုစိုက်ဖို့ လူသွားပလက်ဖောင်း အလယ်တည့်တည့်မှာ ၃ ပေ ပတ်လည် ကွန်ကရစ်တုံးကြီးကို ဖောင်ဒေးရှင်း လာချထားပါတယ်။ ပလက်ဖောင်းအကျယ် ရှိတာက ၄ ပေ မပြည့် ပါဘူး။ တစ်ဘက်က ဗားကရာလမ်းက ပြည်လမ်းဘက်ချိုးကွေ့မယ့် ကားတွေ ဥဒဟိုမောင်းနေကြတဲ့ ကားလမ်းပါ။ ပလက်ဖောင်းရဲ့ တခြားဘက် ပဒုမ္မာပန်းခြံလေးရှေ့မှာ မြောင်းရှိပါတယ်။ ပိုဆိုးတာက အဲဒီဖောင်ဒေးရှင်းကြီး လာမလုပ်ခင်ကတည်းက ဒီနေရာ လူသွား ပလက်ဖောင်းပေါ်မှာ ဓာတ်တိုင် ၂ တိုင်ရှိနေခဲ့ပါတယ်။

နဂိုကတည်းက ပြည်သူတွေ လမ်းလျှောက်တဲ့အခါ ဟိုရှောင်ဒီတိမ်းနဲ့ အဆင်မပြေရတဲ့ နေရာပါ။ ခုတော့ လူတွေ ကားလမ်းပေါ် လမ်းဆင်းလျှောက်နေရပါတယ်။ မြေနီကုန်းလမ်းဆုံမှာလည်း စီးပွားရေး ကြော်ငြာ ဆိုင်းဘုတ်တွေလည်း လူမြင်သူမြင် မကောင်းလောက်အောင် မွစိတက်နေပါပြီ။ ဆိုင်းဘုတ် ထောင်ခွင့်ရထားတဲ့ လုပ်ငန်းရှင်ကြီးလည်း အမြတ်အစွန်းတွေ တောင်ပုံရာပုံ မောက်နေပါပြီ။ ဖြစ်ချင်တော့ နေရာလွတ်လေးဆိုလို့ အဲဒီနေရာလေးဘဲ ကျန်နေတာ လုပ်ငန်းရှင်ကြီး ရှာဖွေတွေ့ ရှိသွားပုံရပါတယ်။ သူ့လောဘဇောဟာ ဘာကိုမှ မမြင်တော့ပုံရတာကို ကျွန်တော်တို့ အောင့်အီး နားလည်ပေးနိုင်ပေမယ့် သူလုပ်ချင်တာကို လုပ်ခွင့်ပေးခဲ့တဲ့ သက်ဆိုင်ရာ စည်ပင်သာယာရေးဝန်ကြီးဌာန (အရင် မြို့တော်စည်ပင်) ကိုတော့ လက်ခံလို့ မရပါဘူး၊ နားလည်ပေးဖို့  မဖြစ်နိုင်ပါဘူး။

လမ်းသွားလမ်းလာ ပြည်သူလူထုရဲ့ သွားရေးလာရေးကို ကြီးစွာအနှောင့်အယှက်ပေးနေပြီး အခန့်မသင့်ရင် လူတွေ ကားတိုက်ခံရပြီး အသက်အန္တရယ် ရှိလာနိုင်တဲ့ အနေအထားမျိုးကို မသိကျိုးကျွံ ခွင့်ပြုပေးတဲ့ အဓိကတာဝန်ရှိသူ စည်ပင်သာယာဌာနကို အတိဒုက္ခရောက်ကြရတဲ့ ပြည်သူလူထုကိုယ်စား ကျွန်တော်တို့က ဒီကိစ္စကို ဆက်မလုပ်ဖို့ ပြောပေးရမှာဘဲ။ ကန့်ကွက်ကြောင်း အသိပေးရမှာဘဲ။ တစ်နေကုန် ရန်ကုန်မြို့ မှာ ဘတ်စ်ကားစီး၊ ပလက်ဖောင်းပေါ် လမ်းလျှောက် သွားလာနေရပြီး ဘ၀ရှင်သန်ရေးအတွက် အသည်းအသန် ရုန်းကန်နေရတဲ့ ရန်ကုန်သူ ရန်ကုန်သားတွေရဲ့ ဘ၀အမောကို မြွေပူရာကင်းမှောင့် ဘ၀ဆိုးမျိုး ထပ်မရောက် စေချင်ပါဘူး။

သည်းခံရတယ်ဆိုတာလည်း အကန့်အသတ်နဲ့ပါ။ အဆင်မပြေတာတွေ များလာတဲ့အခါ ပြည်သူတွေဘက်က ဒေါသစိတ်တွေ စုပုံလာတတ်ပါတယ်။ အုပ်ချုပ်သူအစိုးရဆီ ဦးတည်တဲ့ ဒေါသတွေဟာ လူမှုရေးတည်ငြိမ်မှုကို တွန်းတိုက်စေပါတယ်။ အလုပ်မရှိ အကိုင်မရှိ ခွေးကို နားဖာချေး ကလော်ပေးတယ်လို့  ဆိုချင်လည်း ဆိုနိုင်ပါတယ်။

အောင်မျိုးထွန်း
၃- ၄- ၂၀၁၁

ကိုအောင်မျိုးထွန်းနှင့်အစ်ကိုဒီမိုဝေယံအား ကျေးဇူးတင်ပါသည်...

No comments:

Post a Comment