Saturday, August 31, 2013

၆နှစ်ပြည့်ရွှေဝါရောင်တော်လှန်ရေးသို့သွေးနဲ့ ရေးတဲ့ သမိုင်း ။



ဦးဇင်း ဘဝအတွက် ရွှေဝါရောင်တော်လှန်းရေးကြီးဟာ ဘယ်တော့မှမေ့ဖျောက်လို့ ရမှာမဟုတ်ပါဘူး။ စစ်အာဏာရှင်တွေရဲ့ လုပ်ရက်ကို ပြောင်းပြန်လှန်ရမယ် အချိန်ပါပဲ ဦးဇင်းတို့ ဒီနေ့အချိန်မှာ တိုင်းပြည်နဲ့ လူမျိုးအတွက် တာဝန်မကျေ ကြသေပါဘူး။ အဲဒီအတွက် ဦးဇင်းတို့ အားလုံးဆက်လက်ပြီး တိုက်ပွဲဝင်ကြရပါမယ်။

စစ်အာဏာရှင်ရဲ့ လက်ထက်မှာ ဘုရားသာသနာဟာလည်း ပျက်စီးဆုံးရှုံးနေပါပြီ။ ဒါကြောင့် မပြီးပျက်သေးတဲ့ ရွှေရောင်တော်လှန်းရေးကြီးကို ဦးဇင်းတို့ ဆက်လက်ချီတက်နေကြမှာပါ ဦးဇင်းတို့ရဲ့ တောင်းဆိုချက်တွေ မရသေးသ၍ ဦးဇင်းတို့ ပြည်တွင်းပြည်ပရှိ သံဃာတော်တွေဟာ စစ်အာရှင်ကို ဆက်လက်တိုက်ပွဲဝင်ပြီး ပြည်သူလူထု အကျိုးစီးပွားအတွက် စစ်အာဏာရှင်တွေရဲ့ လုပ်ရက်တွေကို ဆက်လက်ဆန့်ကျင်တိုက်ပွဲဝင်နေကြမှာ အမှန်ပါပဲ။

၆နှစ်တာကာလ ရောက်ခဲ့ပေမဲ့ ဦးဇင်းတို့ရဲ့ ရွှေဝါရောင်တော်လှန်ရေးဟာ ရေဆန်ကို ခရီးသွားနေရသလို ဆက်နေရတုန်းပါပဲ။ စစ်အာဏာရှင် အဓမ္မသမားတွေနှင့် ဘုရားရဲ့သားတော် ဓမ္မဘက်တော်သားတို့ရဲ့ တောင်းဆိုမှုတွေက ပြီးဆုံးသွားပြီလို့ ပြောလို့မရပါဘူး။ ဦးဇင်းအနေနဲ့ ဒီနေရာမှာ ပြောချင်တာကတော့ ရွှေဝါရောင်တော်လှန်ရေးဟာ စစ်အာဏာရှင်တွေရဲ့ ယုတ်မာမှုကို မီးမောင်းထိုးပြခဲ့တယ်လို့ ဦးဇင်း ပြောချင်ပါတယ်။ သူတိုတွေရဲ့ လုပ်ရက်ဟာ ဦးဇင်းတို့ ဘုရား၊ ကျောင်းကန်၊ စေတီပုထိုး၊ သမိုင်းဝင်နေရာတွေဟာ စစ်တလင်းဖြစ်ခဲ့ရပါတယ်။ အခုအချိန်အထိ ကြမ်းဖတ်သမားပါလို့ စွပ်စွဲပြီး မတရားဖမ်းစည်းထားတဲ့ သံဃာတွေ၊ သီလရှင်တွေ၊ ကျောင်းသားကျောင်းသူ၊ ပြည်သူလူထုနှင့် နိုင်ငံရေးသမားတွေကို ပါးစပ်ပိတ်ပြီး အကျဉ်းထောင်နဲ့ ရဲဘက်စခန်းတွေမှ ရောက်နေကြတဲ့ သူတွေအားလုံးကို စိတ်ဓါတ်မကျဖို့နှင့် ပြည်ပကိုရောက်နေပေမယ့် ဦးဇင်းရဲ့ စိတ်ဓါတ်နှင့် လုပ်ဆောင်ချက်အားလုံးဟာ မြန်မာပြည်မှာဘဲ အားလုံးနှင့်အတူ အကျဉ်းကျနေပါတယ်။ အကြမ်းဖက် နှိမ်နင်းမှုများကြောင့် ကျဆုံးခဲ့ရသော ရဟန်းတော်များနှင့် ပြည်သူတို့၏ သွေးများက စိုစွတ်လတ်ဆတ်ဆဲပင်။ ကျဆုံးသွားရသည့် ဘုရားသားတော်များ၏ ဝိဉာဉ်များကိုမှ အားမနာ။ "ငါ့ဆန်ကျင်သူ မသူတော်"ဟု လက်ကိုင်ထားကာ ၎င်းတို့ကိုတောင်းဆို ဆန္ဒပြခဲ့ကြသည့် သံဃာတော်များအား သံဃာတု၊ သံဃာယောင်များသာ ဖြစ်ပြီး ဗုဒ္ဓ၀ိနည်းတော်များနှင့် မညီညွတ်ဟု ဝါဒဖြန့်ကြသည်။ ရွှေဝါရောင် တော်လှန်ရေးတွင် အစိုးရကစွပ်စွဲခဲ့သော သံဃာတော်များ၏ နိုင်ငံရေးလှုပ်ရှားမှုဆိုသည်ကို ခွဲခြမ်းစိတ်ဖြာ ကြည့်ရလျှင် ဦးဇင်းတို့ဟာ အမျိုးဘာသာ သာသနာ အရှည်တည်တံ့ရေးအတွက် အထောက်အပံ့ပြုသူ ပစ္စည်းလေးပါး ဒယကာ၊ ဒယကာမ၊ ပြည်သူများ ဒုက္ခမရောက်စေခြင်းငှာ မေတ္တာဖြန့်ကြက်၍ ရှေ့တန်းမှ ကာကွယ်ခဲ့ခြင်းပင် ဖြစ်တယ်။
ဥပမာအားဖြင့် ဗုဒ္ဓသည် စစ်တိုက်ရန် ချီတက်လာသော စစ်တပ်ကြီးအား အဘယ်ကြောင့် တားမြစ်ခဲ့သနည်း။ ရှင်းပါသည်။ သူ၏ နိုင်ငံ၊ သူ၏ လူမျိုးတို့အား ဘေးဒုက္ခ မရောက်စေခြင်းငှာ မေတ္တာဓာတ်နှင့် တားမြစ်ခဲ့ခြင်းပင် ဖြစ်သည်။
သို့ဆိုလျှင် ထိုအပြုအမူသည် ရွှေဝါရောင် တော်လှန်ရေးဖြစ်စဉ်မှ သံဃာတော်များ၏ အပြုအမူနှင့် ဘာများ ကွာခြားလေသနည်း။ ဗုဒ္ဓသည် ဝိရူဓူပမင်း၏ စစ်တပ်က ကပ္ပီလဝတ် ပြည်သူတို့ကို ရန်ပြုမည့်ဘေးမှ ကာကွယ်ရန် ကြိုးစားခဲ့သည်။ ရွှေဝါရောင် သံဃာတော်များသည် မြန်မာပြည်သူတို့ကို စစ်အစိုးရ၏ ဆင်းရဲမွဲတေစေခြင်း၊ ဖိနှိပ်ခြင်းဘေးမှ ကာကွယ်ရန် ကြိုးစားခဲ့ခြင်းသာ ဖြစ်သည်။ သို့ဆိုလျှင် သံဃာတော်များ နိုင်ငံ၏အရေးအတွက် မေတ္တာဖြင့် ပါဝင်ဆောင်ရွက်ခြင်းသည် ဝိနည်းနှင့် ညီပါ၏လော။ အထက်ပါအဖြစ်က အထင်အရှား ပြပြီးပါပြီ။ ဗုဒ္ဓသည်ပင် အမျိုးဘာသာ၊ သာသနာအတွက် ၄င်း၏ မေတ္တာလက်နက်ကို ဖြန့်ကျက် အသုံးပြုပါသည်။
သံဃာတော်များ ရွှေဝါရောင်တော်လှန်ရေးတွင် မေတ္တာလက်နက် ဖြန့်ကျက်ခဲ့ခြင်းကို ဝိနည်းနှင့် မညီဟု မည်သည့်အခြေခံနှင့် ပြောမည်နည်း။ ဝိရူဓူပမင်း၏ နေရာတွင် စစ်အာဏာရှင် ဗိုလ်ချုပ်များဖြစ်ပါက သုံးလောထွဋ်တင် သဗ္ဗုညုတ ရွှေဉာဏ်တော်ရှင် ဗုဒ္ဓမြတ်စွာကိုပင် ဗုဒ္ဓအတုဟု ပြောလေဦးမည်လော မသိပေ။ ရက်စက်စွာ ရိုက်နှက်ညှင်းဆဲ၍ စစ်ချီရာလမ်းမှ ဖယ်ခိုင်းဦးလေမည်လား မသိပေ။ ဗုဒ္ဓဘာသာကို အလွန်ကြည်ညို လေးစားပါသည်ဟု တကြော်ကြော် အော်ဟစ်နေသော အာဏာရှင် ဗိုလ်ချုပ်များမှာကား ဗုဒ္ဓ၏သားတော် သံဃာတော်များ၏ လုပ်ရပ်ကို ရှုံ့ချရုံမျှမက ညှင်းဆဲသတ်ဖြတ်သော ကံကြီးကိုပင် ကျူးလွန်ရဲကြသည်မှာ အာဏာအမှောင် ဖုံးလွှမ်းသွားကြခြင်းပင် ဖြစ်သည်။ ထိုဗိုလ်ချုပ်များသည် နေ့စဉ်နေ့တိုင်း အစိုးရ သတင်းစာ မျက်ဖုံးများတွင် ဘုရားဒါယိကာကြီးများ လုပ်ပြနေသည်မှာ အတုအယောင်များပင် ဖြစ်သည်ကို ရွှေဝါရောင် တော်လှန်ရေးက ဖော်ထုတ် ပေးသွားခဲ့ပါတယ်။
ဦးဇင်းတို့ နိုင်ငံရဲ့လွတ်လပ်ရေး လှုပ်ရှားမှု သမိုင်းကိုပြန်ကြည်ရင် သံဃာတော်များ၏ အခန်းကဏ္ဍသည် မသေးခဲ့ပေ။ အင်္ဂလိပ်ကို ဆန့်ကျင်စဉ်က ရဟန်းအတုဟု မသတ်မှတ်။ ဝိနည်းနှင့်မညီဟု မဆိုခဲ့ပေ။ ယခု သူတို့ကို တော်လှန်ကာမှ အမျိုးမျိုး စွပ်စွဲသမုတ်နေခြင်းမှာ အလွန်ကလေး ဆန်လှသည်။ အမှန်မှာ ရဟန်းတော်များသည် ပြည်သူတို့ဘက်မှ ရပ်၍ မတရားမှုဟူသမျှ ခေတ်အဆက်ဆက် ဆန့်ကျင်ခဲ့ကြခြင်းပင် ဖြစ်သည်။
သမိုင်းအကျဉ်းသံဃာ့ကိုယ်စားလှယ်အဖွဲ့ကို ၂ဝဝ၇ ခုနှစ် စက်တင်ဘာလ ၁၉ ရက်နေ့ ညနေ ၄ နာရီတွင် ရန်ကုန်မြို့ ဆူးလေဘုရားရင်ပြင်ပေါ်တွင် အဖွဲ့ဝင် ၁၅ ပါး ပါဝင်တဲ့ သံဃာ့ကိုယ်စားလှယ်အဖွဲ့ကို စတင်ဖွဲ့စည်းခဲ့ပါသည်။ အဖွဲ့အစည်းတွင် ပါဝင်ခဲ့သည့် အဖွဲ့ဝင် (၁၅) ပါးမှာ အောက်ပါအတိုင်း ဖြစ်ပါသည်။
(၀၁) အရှင်ကောဝိဒ (ဥက္ကဌ)
(၀၂) အရှင်ထာဝရ (အထွေထွေ အတွင်းရေးမှုး)
(၀၃) အရှင်ဇာဂရ (စည်းကမ်းထိမ်းသိမ်းရေး)
(၀၄) အရှင်နေမိန္ဒ (ပြန်ကြားရေး)
(၀၅) အရှင်စန္ဒိမာ (စည်းရုံးရေး)
(၀၆) အရှင်သံဝရ (စာပေရေးရာ)
(၀၇) အရှင်ဣန္ဒက (ဘဏ္ဍာရေး)
(၀၈) အရှင်ကေသရိန္ဒ (ရုံးတာဝန်ခံ)
(၀၉) အရှင်သာသနာ (။)
(၁၀) အရှင်ယသ (။)
(၁၁) အရှင်ဥတ္တမ (။)
(၁၂) အရှင်ဓမ္မဥာဏ (။)
(၁၃) အရှင်ဝိဇယ (။)
(၁၄) အရှင်လက္ခဏ (။)
(၁၅) အရှင်ထေရဝံသ (။)
ဗုဒ္ဓမြတ်စွာဘုရား သာသနာတော်ကြီး ဖွံ့ဖြိုးတိုးတတ်ရေး သာသနာတော် တည်တံ့ခိုင်မြဲရေးနှင့် စစ်အာဏာရှင် စနစ်တိုက်ဖျက်ရေး မြန်မာနိုင်ငံ ဒီမိုကရေစီရရှိရေး အပါအဝင် မြန်မာနိုင်ငံတိုင်းရင်းသားပေါင်းစုံ လူမျိုးပေါင်းစုံ ပြည်သူလူထု တစ်ရပ်လုံး လူ့အခွင့်အရေးရရှိစေရန် ရည်ရွယ်ချက်ဖြင့် ရဟန်းသံဃာ၊ မယ်သီလရှင်၊ ကျောင်းသား၊ ကျောင်းသူ၊ ပြည်သူလူထုအင်အား ၂ သိန်းကျော် ထောက်ခံမှုဖြင့် ညနေ ၅ နာရီတွင် အောင်မြင်စွာဖွဲ့စည်း နိုင်ခဲ့ပါသည်။
ပြန်လည်ပြီး ၂ဝဝ၈ ခုနှစ်ဇန်နဝါရီလ ၅ ရက်နေ့တွင် ပြည်တွင်း တစ်နေရာ၌ ပြည်နယ်နှင့် တိုင်းရင်းသားအသီးသီး ပါဝင်သော သံဃာတော်များ ဆန္ဒအရ သံဃာ့ကိုယ်စားလှယ်အဖွဲ့ကို မြန်မာနိုင်ငံလုံးဆိုင်ရာ သံဃာ့ကိုယ်အဖွဲ့ အဖြစ်ပြန်လည် ဖွဲ့စည်းခဲ့ပါသည်။
မြန်မာနိုင်ငံလုံးဆိုင်ရာ သံဃာ့ကိုယ်စားလှယ် အဖွဲ့အဖြစ် ပြန်လည်ဖွဲ့စည်းခဲ့သော သံဃာတော်များမှာ အရှင်သောဘိတ၊ အရှင်ထာဝရ၊ အရှင်ပညာဒီစ္စ၊ အရှင်သုစိတ္တာ၊ အရှင်စန္ဒိမာ………စသည့် သံဃာတော် အပါး (၅၀) ပါးတို့ ဖြစ်ပါသည်။
၁။ ပခုက္ကူ သံဃာတော်များအား စစ်အာဏာရှင်က အမြန်ဆုံးတောင်းပန်ရန်။
၂။ ဒေါ်အောင်ဆန်းစုကြည်နှင့် နိုင်ငံရေး အကျဉ်းသားများကို အမြန်ဆုံးလွှတ်ပေးရန်။
၃။ ကုန်ဈေးနှုန်းချပေးရေး။
၎။ သုံးပွင့်ဆိုင်တွေ့ဆုံ ဆွေးနွေးပေးရန်။

စသည့်အချက်များကို တောင်းဆိုခဲ့ကြပါသည် စစ်အာဏာရှင်များမှာ လိုက်လျှော့မှု မရှိဘဲ ၂ဝဝ၇ ခုနှစ် စက်တင်ဘာလ ၂၆ ရက်နေ့တွင် အပြစ်မဲ့တဲ့ ရဟန်းသံဃာ၊ သာမဏေ၊ သီလရှင်၊ ကျောင်းသူ ကျောင်းသား၊ ပြည်သူလူထု နိုင်ငံရေးသမားများကို ရက်စက်ကြမ်းကြုတ်စွာ ရိုက်နှက်သတ်ဖြတ် ခဲ့ပါသည်။

အရှင်ထာဝရ (အထွေထွေ အတွင်းရေးမှုး)
မြန်မာနိုင်ငံလုံးဆိုင်ရာ သံဃာ့ကိုယ်စားလှယ်အဖွဲ့

No comments:

Post a Comment